Eksperti amerikan për Ballkanin, Alon Ben Meir, ka dalë në përkrahje të Kosovës lidhur me kërkimin e informatave shtesë për projektin e gazsjellësit.
Alon Ben Meir përmes një postimi në “Twitter” ka thënë se mbështet këtë vendim të Kosovës.
“Unë mbështes vendimin e Kosovës për të kërkuar informacion shtesë mbi projektin e infrastrukturës të mbështetur nga@MCCgov që do ta lidhë Kosovën me gazsjellësin ekzistues me Maqedoninë e Veriut. Kosova duhet të vlerësojë projektet e jashtme dhe ndikimin e tyre”, shkroi ai.
I support Kosovo’s decision to ask for additional information on infrastructure project supported by @MCCgov that would link Kosovo to existing gas pipeline w/ North Macedonia. Kosovo should evaluate outside projects & their impact, esp. when countries may have ulterior motives. pic.twitter.com/Q7jLLZYYVF
— AlonBenMeir (@AlonBenMeir) October 6, 2021
Më 30 shtator, Ministrja e Ekonomisë, Artane Rizvanolli, ka bërë të ditur se Kosova nuk do të vazhdojë përpara me projektin për ndërtimin e infrastrukturës për gazsjellësin në Kosovë, të financuar nga Korporata e Sfidave të Mijëvjeçarit (MCC) nga Shtetet e Bashkuara të Amerikës (SHBA).
Rizvanolli këtë vendim e ka arsyetuar se “Kosovës i duhen më shumë informata për të qenë e sigurt se ndërtimi i infrastrukturës së gazit është opsioni më i mirë për tranzicionin tonë energjetik, ndërsa nga ana tjetër MCC-ja ka afate kohore strikte për zhvillim dhe nënshkrim të programit të kontaktit”.
Ajo shtoi se për këtë çështje nuk ka refuzim, por vetëm është çështje e cila është duke u shqyrtuar nga institucionet relevante.
“Jo nuk mund të them që ka refuzim. Thjesht, ka studim të ekspertëve dhe të ministrive përkatëse, të cilat janë në diskutim të përditshëm me shtetin amerikan, në mënyrë që e gjitha të sqarohet. Mirëpo asnjëherë deri tani unë nuk kam dëgjuar ndonjë refuzim nga ana e qeverisë së Kosovës. Megjithatë ka kohë për përgjigje”, ka thënë Osmani.
Në maj të këtij viti, Korporata e Sfidave të Mileniumit (MCC), ka shfaqur interesim për të dialoguar me qeverinë e Kosovës për projektin e gazpërçuesit Greqi – Maqedoni e Veriut – Kosovë, por, kjo e fundit nuk ka ndërmarrë ndonjë hap për ta shtyrë atë përpara.
Ndryshe, ndërlidhja e Kosovës me tubacionin e gazit që kalon në Greqi – Maqedoni të Veriut është një nga projektet e përfolura energjetike të Kosovës, si dhe një ndër opcionet për të ardhmen energjetike të vendit.
Kosova prodhon energji duke përdorur djegien e thëngjillit, që llogaritet si një prej kontribuuesve kryesorë në ndotjen e ajrit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës
-
Perez: Orbani do të sakrifojë Kosovën për të mbajtur afër Serbinë
-
Kryessindikalisti i Policisë pas shkarkimit: Synim për ‘puç’
-
Diaspora në Zvicër – Hamza: Një shtyllë e pamohueshme ekonomike
Lajmet kryesore
-
Rrëzohet helikopteri ku ndodhej presidenti iranian, sipas mediave shtetërore
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës