Presidentja e Kosovës, Vjosa Osmani, është takuar këtë të shtune me homologun e saj nga Bullgaria, Rumen Radev, të cilin e ka falënderuar për mbështetjen e fortë që shteti bullgar i ka dhënë Kosovës për anëtarësim në Këshillin e Evropës (KiE), por edhe në organizata të tjera ndërkombëtare.
Lajmi u bë i ditur nga vetë Osmani, përmes një postimi në Facebook.
“Në takimin e sotëm në Sofje, më shumë se 1 vit nga vizita ime zyrtare në Bullgari dhe disa muaj pas vizitës së tij zyrtare në Kosovë, diskutuam rezultatet e punës sonë të përbashkët, si dhe vazhdimin e thellimit të bashkëpunimit Kosovë-Bullgari”, shkroi e para e vendit.
Për takimin në fjalë, përmes një postimi në platformën X, ka shkruar edhe Radev, i cili ka theksuar se me homologen e tij nga Kosova ka diskutuar për marrëdhëniet dypalëshe.
“Duke diskutuar me Vjosa Osmanin marrëdhëniet dypalëshe mes Bullgarisë dhe Kosovës, partneritetin rajonal në Ballkan dhe perspektivën e rajonit drejt Bashkimit Evropian”, shkroi presidenti bullgar.
Discussing with @VjosaOsmaniPRKS the bilateral relations between Bulgaria and Kosovo, regional partnership in the Balkans and the #EU perspective of the region pic.twitter.com/Vx9mOBeBgP
— President.bg (@PresidentOfBg) May 18, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
