Leeds United ka arritur fitoren si mysafir i Norwich City-t me rezultat 1-2.
Skuadra e Bielsa-s, si plot herë këtë sezon, e dominoi takimin me posedim dhe me mundësi të krijuara, por tani duke u përcjell nga fati dhe duke gjetur vetëm fitoren e dytë nga dhjetë ndeshje.
Pjesa e parë ishte e mbyllur, me Norwich-in që ishte shumë e kujdesshme në prapavijë.
Por, pjesa e dytë ishte ndryshe.
Në fakt, ishte një periudhë pesë minutëshe që ndryshoi gjithë rrjedhën e takimit.
Raphinha fillimisht në minutën e 56-të, me një super gol shënoi për të thyer akullin, duke i dhënë epërsinë Leeds-it.
Vetëm dy minuta më vonë, Omobadimedele e shfrytëzoi harkimin e Rashicës për të barazuar në 1-1.
Ky ishte asistimi i parë në Premier League për yllin e kombëtares së Kosovës.
Por, vetëm tre minuta më vonë, Rodrigo i dhuroi përsëri epërsinë Leeds-it.
Deri në fund nuk ndryshoi asgjë, dhe Leeds siguroi tre pikët.
Ata dalin nga zona e rrezikshme, deri sa Norwich mbetet e fundit ende me dy pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
