Ishujt Komoros kanë bërë historinë, duke kaluar fazën e grupeve në Kupën e Kombeve të Afrikës.
Tani Komorosi do të ketë punë shumë të vështirë, pasi që në fazën e 1/8-ve do të ndeshet me vendin organizator, Kamerunin.
Përveç që do të kenë një kundërshtar tejet të fortë siç është Kameruni, Komorosi duhet të përballet edhe me mungesën e 12 të infektuarve me COVID-19.
Ajo çka është më e keqja për Ishujt Komoros, është se në mesin e të infektuarve janë edhe dy portierët rezervë, derisa ai i pari ishte lënduar në ndeshjen e fundit.
Federata e Futbollit Afrikan (CAF) ka vendosur rregulla strikte sa i përket infektimit me COVID-19 në Kupën e Kombeve të Afrikës.
Në qoftë se një ekip ka në dispozicion të paktën 11 lojtarë, atëherë ndeshja do të luhet, në të kundërtën do të humbet me rezultat 2:0 në tavolinë.
Pra, në këtë rast, trajneri i Komorosit, Amir Abdou, duhet që njërin nga futbollistët ta vendosë në portë.
Ndërkaq, kujtojmë që Komorosi arriti kalimin historik të fazë së grupeve, duke mposhtur në ndeshjen e fundit Ganën me rezultat 2:3.
Kurse dy ndeshjet e para të grupit (ndaj Marokut dhe Gabonit) i humbi me shifrat 2:0 dhe 0:1.
Ndeshja mes Kamerunit dhe Komorosit do të zhvillohet këtë të hënë me fillim nga ora 20:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese