Lumja ti moj Korç’ o lule!
Q’i le pas shoqet e tua
Si trimi në ball u sule,
Ta paçim për jetë hua
Ishin pikërisht këto vargje të zgjedhura nga Naim Frashëri për të përshkruar rëndësinë e kësaj dite, rëndësinë e 7 Marsit.
Sot mbushen plot 137 vite që nga dita kur në qytetin e Korçës u hap Mësonjtorja e Parë Shqipe. Në përkujtim të krijimit të saj qeveria shqiptare, në vitin 1960 vendosi që 7 Marsi të njihet si “Dita Kombëtare e Mësuesve”.
Hapja e shkollës së parë shqipe në Korçë kurorëzoi me sukses një nga detyrat kryesore të lëvizjes sonë kombëtare, atë të përhapjes së arsimit në gjuhën amtare, për të cilën dhanë kontributin e tyre edhe vëllezërit Frashëri.
Detyra kryesore e kësaj shkolle ishte të ndihmonte në zgjimin e ndërgjegjes kombëtare, në rritjen e përpjekjeve të shqiptarëve për autonomi.
Konteksti i kohës i fali asaj tri veçori: shqiptarizmin, demokratizmin dhe pavarësinë.
Mësimi bëhej në shqip, ishte e hapur për të gjithë shtresat dhe nuk financohej nga askush tjetër përveç popullit.
Figurat që dolën nga ajo shkollë janë pionierët e historisë shqiptare.
Një nga nismëtaret e krijimit të shkollës shqipe ishte edhe Parashqevi Qiriazi, e cila punoi për arsimimin e gruas shqiptare. Me botimin e librit të saj “Abetare për shkollat e para”, ajo zuri vend në historinë e shkollës shqiptare, si e para grua autore e teksteve shkollore.
Njohja me ditën e mësuesve është një hap drejt njohjes së profesionit dhe rolit që ata luajnë në shoqëri.
Nëse kërkoni në Fjalorin e Gjuhës Shqipe fjalën mësues, do t’ju dalë ky kuptim, “ai që shquhet në një fushë të dijes a të veprimtarisë dhe merret si shembull për t’u ndjekur; udhëheqës, prijës”. Pra mësuesi cilësohet si një prijës që duhet marrë shembull.
Antikiteti grek do të prodhonte një nga shpjegimet për rëndësinë e një mësuesi në jetën e gjithkujt, ku Aristoteli shprehej se, “Ata që edukojnë mirë fëmijët janë më të nderuar sesa ata që i lindin; sepse këto të fundit u dhanë vetëm jetë, ndërsa mësuesit artin e të jetuarit mirë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rohde shpreh keqardhje që s’është bërë progres për të pagjeturit në 3 vjetët e fundit
-
Megan Fox, e pranishme në festën e ditëlindjes së ish të fejuarit – Machine Gun Kelly
-
Kommuna fundoset – pse humbja e anijes shekullore mund të ndalojë flotën ruse
-
Meghan Markle dhe Princi Harry organizojnë një ngjarje të artit afrikano-amerikan
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit