Ndezja e kondicionerit gjatë ditëve të nxehta sigurisht që sjell lehtësim të madh, megjithatë pyetja është – si mund të ndikojë ajri që qarkullon në dhomë në shëndetin e njerëzve?
Është e kuptueshme që ajri i kondicionuar mund të ndikojë në shëndetin e njeriut, veçanërisht nëse sistemi i ajrit të kondicionuar nuk monitorohet dhe mirëmbahet rregullisht.
Ajri i kondicionuar mund të jetë i mirë, pasi e bën më të lehtë kalimin e kohës në ambiente të mbyllura dhe në këtë mënyrë mund të keni një gjumë më të rehatshëm. Hulumtimi i publikuar në revistën “Energy & Buildings” tregoi se ka shenja të vogla zgjimi kur kondicioneri ndizet gjatë natës, por që nuk ndikon negativisht në cilësinë e gjumit.
Por të jetosh dhe të punosh në temperatura të larta nuk është mirë për trurin. Një studim i Harvardit i publikuar në “PLOS Medicine” zbuloi se gjatë ditëve të nxehta të verës, studentët që jetonin në konvikte pa ajër të kondicionuar rezultuan më keq në testet njohëse sesa ata që jetonin në dhoma me ajër të kondicionuar.
Sigurisht, përdorimi i ajrit të kondicionuar ka edhe disavantazhe.
Nëse papritmas kaloni nga një dhomë e nxehtë në një dhomë shumë të ftohur, pavarësisht nëse është shtëpia, zyra apo makina juaj, kjo mund të ndikojë negativisht në shëndetin tuaj.
Hulumtimet e publikuara në “Clinical & Translational Alergy” kanë zbuluar se praktikimi i rregullt i këtij tranzicioni mund të dëmtojë mushkëritë tuaja, duke ju bërë më të prekshëm ndaj sëmundjeve të frymëmarrjes. Doktoresha Janet Neshayëat thekson se një dhomë shumë e ftohtë mund të ketë një ndikim negativ në shëndet.
“Ajri i ftohtë i zgjatur mund të shkaktojë tkurrje të muskujve, të cilat mund të çojnë në dhimbje kyçesh dhe lloje të tjera dhimbjesh, dhe kjo mund të përkeqësohet nëse jeni të dehidratuar”, thotë ajo.
Ajri tepër i ftohtë gjithashtu mund të përkeqësojë astmën dhe të thajë mukozën e gojës dhe hundës.
Sarin thotë se nëse keni lëkurë të thatë, sy të thatë ose jeni të dehidratuar dhe punoni ose jetoni në një hapësirë me ajër të kondicionuar, ka një ndikim më të madh në shëndetin tuaj se sa mund ta mendoni.
“Shumë nga këto simptoma shëndetësore janë për shkak të mungesës së ajrit të pastër, lagështisë në ajër ose ajrit të riqarkulluar që përmban substanca të dëmshme”, thotë ajo.
Mund të jetë më keq nëse keni alergji. Ka gjëra të tilla si merimangat ose poleni që mund të ngecin në filtrat e ajrit të kondicionuar dhe të çlirohen kur ndizen kondicionerët.
Megjithatë, nëse përdorni vetëm herë pas here kondicionerin dhe kontrolloni rregullisht nëse filtrat janë në gjendje të mirë, jo vetëm që mushkëritë tuaja do t’ju jenë mirënjohëse, por edhe zemra juaj.
Akademia Amerikane e Alergjisë, Astmës dhe Imunologjisë rekomandon pastrimin e filtrit çdo dy javë, maksimumi për një muaj, veçanërisht nëse jeni të prirur ndaj alergjive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vdekjet në SHBA nga mbidoza e drogës u ulën në vitin 2023 për herë të parë në pesë vjet
-
Shtimi i superbaktereve rezistente ndaj ilaçeve mund ta bëjë pandeminë të duket ‘e vogël’
-
Kelly Clarkson zbulon mënyrën se si i eliminoi kilogramët e tepërt
-
Olivia Munn thotë se ajo kishte një histerektomi në mes betejës së saj me kancerin
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit