Xavi Hernandez është shprehur shumë i lumtur pas fitores 1-4 të Barcelonës në fushën e Valencia-s.
Katalunasit kanë përforcuar pozitën e tyre në vendin e katërt, në luftën kryesore që po zhvillojnë këtë sezon për kualifikimin në Champions.
Pas një starti shumë të dobët të sezonit, kur katalunasit silleshin rreth vendit të tetë dhe të nëntë, ardhja e Xavi-s ka kthyer identitetin e klubit, që tani po luan shumë mirë dhe po fiton takime.
Një nga faktorët kryesor të skuadrës blaugrane, është kthyer talenti spanjoll Pedri.
Këtë të fundit, trajneri katalunas Xavi, e quan “talentin më të madh në botë”.
“Jam shumë i lumtur”, tha Xavi.
“Nuk ishim aq të mirë sa kundër Napoli-t, por ishim efektiv në sulm”.
“Ne treguam se e dimë edhe si të vuajmë”, shtoi ai, “në pjesën e dytë Valencia kishte shumë mundësi, por mbrojtja jonë u tregua solide dhe sulmi ynë shumë efikas”.
Sa i përket Pedri-t, ai kishte vetëm komente të mira për spanjollin 19-vjeçar.
“Ai ndalet, nuk e humb topin, dominon me të dyja këmbët, thjesht nuk po gjej superlativa që ta përshkruaj”, tha ish-mesfushori legjendar i Barcelonës.
“Mënyra se si ai kontrollon tempon, lëviz topin, është thjesht spektakolare për një lojtar të moshës së tij – momentalisht nuk ka asnjë talent më të mirë se ai”.
Xavi gjeti kohën të fliste edhe për Aubameyang, që shënoi tri gola përballë Valencia-s.
“Ai ka shënuar gola gjatë gjithë karrierës”, tha Xavi, “ai e kontrollon mirë hapësirën dhe është i vetëdijshëm se ku dëshiron të pranojë topin, jam shumë i kënaqur me të”.
Barcelona udhëton të enjten në Itali, ku do të përballet me Napoli-n në tentativë që të lë prapa barazimin në Spanjë – dhe të kualifikohet në raundin tjetër të Europa League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin