Chelsea humbi, deri sa Liverpool-i dhe Manchester City arritën fitore për t’u ngjitur mbi blutë në tabelë.
Me trajner të ri në krye, nga humbja e bluve sot kërkon të përfitojë edhe Manchester United.
Djajtë e kuq do të luajnë në “Old Trafford”, me Ralf Rangnick që do të ketë ndeshjen e parë në krye me skuadrën.
Kundërshtar i djajve është një skuadër jashtë formës, Crystal Palace.
United vjen pas një triumfi shumë të rëndësishëm përballë Arsenal-it, dhe kërkon që sot të lë një përshtypje të mirë me fitore të lehtë përballë Crystal Palace.
Këta të fundit ndodhen në vendin e 11-të, dhe kanë humbur dy ndeshjet e fundit nga skuadra poshtë tyre.
Rangnick nuk do të ketë në dispozicion Varane-n dhe Pogba-n, por pjesa tjetër e skuadrës është në shërbim të tij.
Ndeshja fillon në orën 15:00.
Në të njëjtën kohë, hapin me kreun dëshiron ta mbajë edhe Tottenham-i.
Skuadra e Antonio Conte-s do të përballet me Norwich-in në “London Stadium”.
Edhe Leeds kërkon që me një fitore si nikoçire si vendase e Brentford, të shkëputen sado pak nga zona e ftohtë.
Dy orë e gjysmë më vonë, në orën 17:30, zhvillohet ndeshja mes Aston Villa-s dhe Leicester City-t.
Kështu mbyllet e diela në Premier League, me javën e 15-të që do të mbyllet të hënën me ndeshjen Everton – Arsenal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Qeveria e Kosovës miraton projektligjin për marrëveshjen për burgjet me Danimarkën