Juventus është kthyer te fitorja pas humbjes që pësoi të shtunën përballë Atalanta-s.
Zonja e vjetër ishte mysafirë në një stadium që nuk kishte fituar asnjëherë më parë.
“Stadio Arechi” i Salernitanas ishte stadiumi i vetëm nga i cili Juventus nuk kishte dalë asnjëherë me tre pikët.
Por, kjo gjë ka ndryshuar sonte.
Përballë vendit të fundit në tabelë, Juventus e kontrolloi ndeshjen që nga fillimi deri në fund.
Dominimin që e kishte, e shndërroi në gol pas 20 minutash lojë.
Dejan Kulusevski me një pasim të bukur e gjeti Paulo Dybala-n, që e shfrytëzoi maksimum atë pasim duke e shndërruar në gol.
Shtatë minuta më vonë, Juventus-i gjeti edhe golin e dytë, nëpërmjet Chiellini-n.
Mirëpo, VAR ndërhyu dhe goli u anulua për pozitë jashtë loje.
Pjesa e parë u mbyll me rezultat 0-1, dhe Juventus dominimin e vazhdoi edhe në pjesën e parë.
Bardhezinjtë golin e parë e gjetën 20 minutat pas fillimit, kurse golin e dytë e gjeti 20 minuta para fundit.
Lojtari i cili u shtua në listën e golashënuesve ishte Alvaro Morata.
Deri në fund nuk ndryshoi asgjë, me bardhezinjtë që arritën tri pikë të mira.
Me këtë tre pikësh, Juventus ngjitet në vendin e shtatë, me 24 pikë. Salernitana në anën tjetër mbetet e fundit në tabelë, me vetëm tetë pikë pas 15 ndeshjesh.
Përkundër kësaj, skuadra nga Salerno është vetëm tri pikë larg zonës së shpëtimit, me Venezia-n që ka 11.
Ndeshja tjetër e natës përfundoi me barazim pa gola mes Verona-s dhe Cagliari-t.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit