Luhen sot ndeshjet e dyta në kuadër të fazës së grupeve në Europa League.
Si edhe në Champions League, ndeshjet luhen në dy orare.
Në orën 18:45, në aksion zbresin grupi A deri në D.
GRUPI A:
Lyon-i në formë të mirë, pret Brondby-n që ishte shumë afër kualifikimit në grupet e Champions-it.
Francezët fituan ndeshjen e parë me rezultat 2-0 përballë Rangers, kurse Brondby ndau pikët me Sparta Pragën.
Në të njëjtin grup, Sparta pret skuadrën e Gerrard, Rangers.
GRUPI B:
Real Sociedad-i pret Monaco-n në një ndeshje tejet interesante.
Skuadra spanjolle vjen pas barazimit në ndeshjen e parë me PSV-në, por me një formë shumë të mirë në ligën spanjolle.
Monaco në anën tjetër e fitoi ndeshjen e parë në Evropë, por forma në ligë lë për të dëshiruar.
Në aënn tjetër, PSV udhëton në Austri për t’u përballur me Sturm Graz.
GRUPI C:
Leicester dhe Napoli kërkojnë të lënë prapa barazimin në ndeshjen e parë mes vete.
Anglezët udhëtojnë në Poloni, për t’u përballur me Legia-n.
Në anët e Legia-s, bëjnë pjesë dy shqiptarët, Ernest Muçi dhe Lirim Kastrati, që kombinuan për golin e fitores në ndeshjen e parë.
Napoli pret Spartak Moskës në “Diego Armando Maradona”.
GRUPI D:
Skuadra belge, Antwerp, synon të lë prapa humbjen e ndeshjes së parë.
Ata presin në Belgjikë një kundërshtar shumë të vështirë, Eintracht Frankfurt-in.
Në të njëjtin grup, Fenerbahçe pret Olympiacos-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit