Ulpiana ka shkaktuar befasinë e javës së 12-të në BKT Superligën e Kosovës, duke arritur fitore 2-1 përballë Ballkanit.
Ndeshja në fakt ishte kryesisht e dominuar nga Ulpiana, që tregoi një ndër paraqitjet më të mira të sezonit.
Përkundër rasteve të shumta në pjesën e pare, rrjeta nuk u tund nga asnjëra skuadër.
Pjesa e dytë nisi menjëherë me gol, me Ardi Shala, që do të kishte gjithë pjesën e dytë si protagonist.
Mirëpo, ai gabimisht shënoi në portën e tij në minutën e 47-të, duke i dhuruar epërsinë Ballkanit.
Nga ai moment, Ulpiana dominoi tërë pjesën e mbetur të takimit, duke fituar me përmbysje.
Ishte fillimisht Goncalves, ai që në minutën e 70-të barazoi shifrat.
Kur ndeshja po i afrohej fundit, në minutat shtesë, Ardi Shala u shndërrua në njeriun më të dashur të ndeshjes.
Ai tani shënoi në portën e duhur për të siguruar fitoren e Ulpianës.
Ulpiana ngjitet në vendin e shtatë me 13 pikë, derisa Ballkani e treta me 21 pikë, duke pësuar humbjen e parë sezonale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Emigrantët, gjysma e BE-së kërkon të ndjekë modelin e Shqipërisë me Italinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
