![](https://albanianpost.com/wp-content/uploads/2024/05/Screenshot_20240518_170817_Facebook.jpg)
Skuadra e Ballkanit, e drejtuar nga trajneri Ilir Daja, ka arritur të sigurojë titullin në Superligën e Kosovës pasi mposhti Llapin 1-0 këtë të shtunë.
Për të tretin vit radhazi, Ballkani ka arritur të shpallet kampion i Kosovës. Kësaj radhe, një javë para fundit të kampionatit.
Në super përballjen e kësaj të shtune, mjaftoi një gol nga Bernard Karrica, në pjesën e dytë, që Ballkani të fitonte ndeshjen dhe të siguronte titullin kampion.
Pas 35 javësh, Ballkani ka 75 pikë, në krye të renditjes. Llapi ka 68 pikë, në vendin e dytë. Drita e vendit të tretë ka 66 pikë.
Po këtë të shtunë u luajtën edhe katër takime të tjera në Superligë:
Gjilani 2-1 Drita
Prishtina 5-0 Fushë Kosova
Malisheva 7-4 Liria
Ferronikeli 3-2 Dukagjini
Renditja në Superligë
Java e 36 dhe e fundit në Superligë do të sjellë duelet:
Ballkani -Prishtina
Drita – Malisheva
Dukagjini – Gjilani
Liria – Llapi
Fushë Kosova – Ferronikeli
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com