Kosova

“Rritja ekonomike e Kosovës gjatë vitit 2021 ishte 9.9 për qind”


Fehmi Mehmeti

Guvernatori i Bankës Qendrore të Kosovës, Fehmi Mehmeti, ka njoftuar se rritja ekonomike në vend për gjatë vitit 2021 ishte 9.9 për qind, dhe se remitencat arritën në mbi 1 miliardë euro.

“Me fillimin e pandemisë COVID-19 nga masat e marra nga Qeveria ka bërë që në vitin 2020 ekonomia e Kosovës të ketë rënie prej 5.3 për qind. Me relaksimin e masave kufizuese gjatë 2021-së, kryesisht të ndikuar nga diaspora dhe shumë faktor të tjerë ekonomik bëri që të ketë rritje ekonomike prej 9.9 për qind”, tha Mehmeti për RTK.

Ai ka shtuar se shpenzimet rezidente të diasporës për këtë vit kanë qenë 1.34 miliard euro.

“Me të dhënat e tetorit 2021 që kemi në dispozicion, shpenzimet rezidente të diasporës shënojnë 1.34 miliard euro, me një rritje prej 100 për qind, krahasuar me vitin 2020. Nëse shkojmë te remitencat, ato kanë shënuar një rritje prej 1.05 miliard, me një rritjet prej 18.1 për qind, nëse e krahasojmë me një vit më herët”, ka shtuar ai.

Për sa i përket rritjes ekonomie, Banka Botërore ka parashikuar se për vitin 2021 kjo do të jetë 7.1 për qind.

Sipas Bankës Botërore, rritja ekonomike është rikthyer në territor pozitiv gjatë tremujorit të katërt 2020.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore