Rita Ora dhe reagimi epik kur zbulon se një nga konkurrentet e “The Voice AU” është shqiptare
Edicioni i ri i spektaklit të zbulimit të talenteve “The Voice Australia” ka prezantuar kandidatët e sezonit të radhës, ndërsa një prej tyre rezultoi të jetë një vajzë me prejardhje nga Kosova.
Bëhet fjalë për 16-vjeçen, Sihana Haxhnikaj, e cila performoi pranë jurisë këngën “Nothing Breaks Like a Heart” të artistes Miley Cyrus, transmeton AlbanianPost.
Haxhnikaj, arriti që të fitonte zemrat e jurisë falë interpretimit të hitit të Cyrus, por e para që shtypi butonin për të kthyer karrigen ballë për ballë me Sihanën, ishte artistja shqiptare me famë internacionale, Rita Ora.
Siç shihet në videon e audicioneve, pas shtypjes së butonit, Rita i kërkon vajzës nga Kosova që të prezantohet, dhe porsa Sihana zbulon emrin e saj pranë yllit të hitit “Shine ya light”, fillojnë dyshimet mbi origjinën.
“Më duket si emër i njohshëm! Prej cilit vend je?”, e pyeti Rita, konkurrenten e formatit televiziv, derisa kjo e fundit përgjigjet duke thënë – “Nga Kosova”.
“Oh zoti im, është pikërisht vendi prej nga vij edhe unë”, tha Rita, duke reaguar e befasuar që një shqiptare po performante pak metra larg saj.
Madje, Rita nuk hezitoi dot edhe të fliste në gjuhën shqipe, teksa u dëgjua ta përshëndesë edhe familjen e konkurrentes në po të njëjtën gjuhë.
“Si je zemër?”, e pyeta Ora – Haxhnikajn, derisa duke iu drejtuar familjes së vajzës, Rita u shpreh e emocionuar duke thënë – “Si jeni, mirëmbrëma?”.
Përfundimisht, Rita Ora u shpreh e lumtur që tashmë në grupin e saj kishte përzgjedhur një vajzë me origjinë të njëjtë.
Kujtojmë, se në një nga intervistat e fundit, Ora kishte rrëfyer momentet dhe sfidat që kishte përjetuar bashkë me familjen gjatë emigrimit për në Mbretërinë e Bashkuar.
Ajo ka theksuar se gjuha shqipe ishte folur gjithmonë në shtëpinë e saj.
“Gjuha shqipe është folur gjithmonë në shtëpinë time, di të shkruaj e të lexoj”, thotë Rita Ora
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fituesi i “Eurovision 2024”, Nemo i kërkon Zvicrës të njohë gjininë e tretë
-
Me “Hit Me Hard and Soft”, Billie Eilish po vazhdon t’i bëjë gjërat në mënyrën e saj
-
Magjia e kryeveprave botërore mbështjell skenën e Chopin Piano Festival
-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia