Koreja e Veriut nuk po i përgjigjet përpjekjeve për të negociuar lirimin e një ushtari amerikan, i cili u largua përtej kufirit të saj të armatosur rëndë, thotë Washingtoni.
Kadeti Travis King kaloi të martën Zonën e Çmilitarizuar (DMZ) që ndan Korenë e Veriut dhe atë të Jugut.
Pentagoni kishte kontaktuar Korenë e Veriut, tha një zëdhënës i Departamentit të Shtetit. “Kuptimi im është se ato komunikime nuk kanë marrë ende përgjigje”.
Nuk ka pasur asnjë fjalë nga Veriu ndërkaq për vendndodhjen e King ose fatin e tij.
Kriza vjen në një kohë veçanërisht të tensionuar me Korenë e Veriut. Marrëdhëniet me SHBA-të kanë rënë në vitet e fundit, pasi ajo ka testuar dhjetëra raketa gjithnjë e më të fuqishme, të afta për të mbajtur koka bërthamore.
Në këshillën e saj të udhëtimit, SHBA u thotë qytetarëve të saj të mos udhëtojnë në Korenë e Veriut – një nga shtetet më të izoluara në botë – për shkak të “rrezikut serioz të vazhdueshëm të arrestimit” dhe “kërcënimit kritik të ndalimit të gabuar”.
Është e paqartë nëse King ka dezertuar apo shpreson të kthehet.
Ekspertët thonë se një ushtar i tillë i rangut të ulët do të kishte pak vlerë propagande dhe inteligjence, gjë që mund ta shtyjë Korenë e Veriut ta lirojë atë – por ajo që do të ndodhë me të mbetet shumë e pasigurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten
