Ish të dashurat e Joe Jonas, Sophie Turner dhe Taylor Swift dalin bashkë për darkë

Aktorja angleze, Sophie Turner doli për një natë vajzash me ish të dashurën e Joe Jonas, këngëtaren amerikane, Taylor Swift në qytetin e New York-ut.

Aumi i “Game of Thrones” lidhi krahët me fituesen e “Grammy-t”, ndërsa ato shijuan një darkë në Via Carota, shkruan PageSix, transmeton AlbanianPost.

Turner, e cila u nda nga Jonas në fillim të këtij muaji pas katër vitesh martese, mbante stil të njëjtë të flokëve si ish e dashura e ish burrit të saj, Swift – të dyja me bishta të tërhequr nga prapa.

Swift filloi të takohej me Jonas në korrik të vitit 2008. Në tetor të të njëjtit vit, dyshja kishin përfunduar romancën e tyre.

Që nga ndarja e tyre, ajo thuhet se ka shkruar shumë këngë për anëtarin e “Jonas Brothers”, nga “Forever & Always” tek “Better Than Revenge”.

Sa i përket aktorit, i cili vazhdoi me Camilla Belle, Gigi Hadid dhe përfundimisht Turner pas ndarjes, iu referua Swift në “Much Better”.

Ndërsa ai këndoi në melodinë e vitit 2009 se ai kishte “mbaruar me superyjet” dhe “të gjithë lotët në kitarën e tij”, ai ndryshoi tekstin në vitin 2022 për të thënë se është “në rregull” në raport me Swift.

Turner, nga ana e saj, e ka dëshmuar veten të jetë një fanse e Taylor në shumë raste.

“‘1989’ është fjalë për fjalë një nga albumet e mia të preferuara të të gjitha kohërave”, u pati thënë ajo ndjekësve të saj në TikTok vitin e kaluar.

Dalja e Turner me Swift vjen ndërsa kandidatja për “Emmy” është fotografuar duke filmuar shfaqjen e saj të ardhshme, “Joan”, në Spanjë.

Ajo dukej e gjitha e buzëqeshur në xhirime këtë javë dhe u pa duke u puthur me shokun e saj Frank Dillane në një skenë flirte.

Ylli i “Dark Phoenix” ka qenë e qetë në rrjetet sociale që kur ajo dhe Jonas konfirmuan ndarjen e tyre me një deklaratë të përbashkët në Instagram më 6 shtator.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.