Ambasada gjermane në Tiranë, ka reaguar të premten e 18 qershorit, fill pas vendimit që shtetasit shqiptar të lëvizin lirshëm drejt Gjermanisë.
Nëpërmjet një postimi në median sociale Facebook, Ambasada bëri me dije se “për udhëtimet hyrëse me rrugë ajrore, është i domosdoshëm një test negativ i COVID ose një dokument që provon shërimin apo vaksinimin”.
Duke nisur nga data 20 qershor udhëtimi për në Gjermani i personave rezidentë në Shqipëri, lejohet përsëri për të gjitha qëllimet e udhëtimit.
Për më shumë detaje, Ambasada shkruan se mund të vizitohet faqja e tyre web.
Përveç shtetasve shqiptarë të drejtë për të lëvizur drejt shtetit gjerman kanë dhe dy vende të tjera të Ballkanit Perëndimor. Përkatësisht Serbia dhe Maqedonia e Veriut.
Vendimi i Gjermanisë vjen dy ditë pasi Këshilli Evropian vendosi që të heqë nga lista si zona të rrezikut tetë shtete, duke i shpallur ato ‘vende të sigurta’.
Përveç tre vendeve të Ballkanit Perëndimor, në listë janë edhe Shtetet e Bashkuara, Hong Kongu, Makao, Arabia Saudite dhe Tajvani.
KE-ja në muajin maj hoqi kufizimet për të gjithë shtetasit e vendeve të treta që ishin vaksinuar me të dy dozat kundër COVID.
Pavarësisht këtij vendimi fjala e fundit i takonte vendeve pritëse nëse i lejonin këto udhëtarë të kalonin apo jo.
Nën presidencën e Portugalisë, BE-ja shqyrtoi vendet, të dhënat e të cilave tregojnë se raporti i infektimit është 75 raste pozitivë për 100 mijë banorë, në 14 ditët e fundit.
Ndërkaq Shqipëria, Serbia dhe Maqedonia e Veriut, kanë parë ulje të ndjeshme muajin e fundit të numrit të rasteve pozitive me COVID.
Ndërkohë Shqipëria ka imunizuar me të dyja dozat mbi 330 mijë qytetarë, Serbia rreth 2.3 milionë të popullsisë dhe Maqedonia e Veriut mbi 187 mijë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit