Deri në minutën e 91-të në ndeshjen me Elche-n, Real Madrid po i drejtohej barazimit së tretë rradhazi në La Liga.
Ndryshi mendoi Karim Benzema, që gabimet e pjesës së parë i shlyu në pjesën e dytë.
Real Madrid filloi ndeshjen me formacion 3-5-2, me Mendy-n dhe Vazquez-in që luanin si më të avansuar se zakonisht.
Skuadra e Zidane dominoi tërësisht ndeshjet, por rastet e mëdha të humbura nga Benzema në 45 minutëshin e parë bënë që rezultati të mbetet ai i fillimit.
Në pjesën e dytë, Calvo në minutën e 61-të i japi epërsinë e befasishme mysafirëve, me një goditje të bukur me kokë.
Në të 73-ën, Benzema u ngjit në skenë për herë të parë, duke shfrytëzuar mirë një krosim të Modric, për të barazuar rezultatin.
Kur u duk se gjithçka po përfundonte me rezultat të barabartë, për herë të dytë në skenë u ngjit Benzema.
Pas një kombinimi të mrekullueshëm me të riun Rodrygo, Benzema shënoi një super gol me të majtën, për epërsinë e Real Madrid-it.
Los Blancos me këtë fitore ngjiten përkohësisht në vendin e dytë me 57 pikë, kurse Elche mbetet në vendin e 17-të me 24 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit