Ka dhënë dorëheqjen nga drejtimi i Radio Televizionit Shqiptar, drejtori Enkelejd Joti, i cili drejtimin e mori në nëntor 2021.
Arsyet e kësaj dorëheqjeje ende nuk bëhen me dije, teksa muajt e fundit janë raporutar në media disa konflikte që ai ka pasur me kreun e Këshillit Drejtues të RTSH-së, Leka Bungo.
Ndërsa, burime konfidenciale pranë Albanian Post, bëjnë me dije se ai do të marrë detyrën e zëvendësministrit të Mbrojtjes.
Ndërsa, mbi figurën pasuese të tij, ende nuk dihet se kush do t’i bashkohet garës.
Joti pasoi në këtë detyrë ish-drejtorin e RTSH-së, Thoma Gëllçi, i cili u arrestua nga Prokuroria e Posaçme Kundër Korrupsionit dhe Krimit të Organizuar (SPAK) nën akuzën e shpërdorimit të detyrës për shkak të pabarazisë në tendera.
Asokohe, ai siguroi shumicën e cilësuar të votave nga të gjithë anëtarët e Këshillit Drejtues që kryen këtë të hënë procedurën statutuore të zgjedhjes së drejtuesit të ri të institucionit mediatik më të madh të vendit.
Ai ka mbajtur postin e drejtorit të Qendrës Spitalore Universitare “Nënë Tereza”, teksa ky është një rikthim në fushën e medias për të. Ai ka mbajtur poste drejtuese në televizionin “Top Channel” më parë.
Për 12 vjet, nga 2003 deri në 2015, ai mbajti postin e drejtorit të përgjithshëm të Top Media. Viti 2015 përkoi edhe me dorëheqjen e tij.
Studimet i ka kryer në fushën e ekonomi-financës. Pra, kandidatura e tij, është e bazuar në një eksperiencë shumëvjeçare menaxheriale.
Joti ka qenë në një periudhë edhe nëndrejtor i RTSH-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit