Kampionët në fuqi të Evropës, Chelsea, janë në bisedime me mbrojtësin e Leicester City-t, Wesley Fofana.
Këtë e bën të ditur Foot Mercato dhe Leicester Mercury, dy tabloide këto shumë të afërta me klubet e përfshira.
Chelsea ka kohë që interesohet për Fofana-n, por lëndimi që e pësoi futbollisti i ndali pak negociatat mes dy skuadrave.
Para fillimit të sezonit, Fofana kishte pësuar një lëndim në ligamentet e gjurit, që e detyron të jetë jashtë fushave thuajse për të gjithë pjesën e mbetur të sezonit.
Por, forma dhe potenciali që ai shfaqi gjatë sezonit që shkoi, e ka mbajtur interesin e Bluve të Londrës gjallë.
Paqartësitë mbi të ardhmen e Antonio Rudiger, tani i kanë ringjallur tërësisht këto interese.
Sipas Foot Mercato, negociatat mes Chelsea-s dhe lojtarit tani kanë rifilluar.
Wesley Fofana pritet t’i kushtojë Chelsea-s rreth 30 milionë euro sipas raportimeve, shifër kjo që Blutë nuk e kanë problem ta paguajnë.
Transferimi do të ndodhë gjatë verës, me Fofana-n që vazhdon karrierën e tij në Premier League, por tani me një klub tjetër.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
