Një person ka humbur jetën dhe dhjetë të tjerë janë plagosur në Japoninë Veriore, si pasojë e një aksidenti mes 130-të automjeteve. Ngjarja ka ndodhur në autostradën “Tohoku Express” të Miyagit më datë 19 janar.
Shkak është bërë një stuhi e madhe dëbore, e cila ka goditur Japoninë Veriore. Ajo ka shkaktuar aksidentin dhe bllokimet në rrugë.
Rreth 200 njerëz janë prekur nga stuhia. Ekipet e shpëtimit janë në vendin e ngjarjes për të bërë largimin e personave.
Japonia është goditur nga stuhi të mëdha bore në javët e fundit. Në disa pjesë të vendit ka pasur dyfishim të reshjeve të pritshme. Shërbimet hekurudhore janë pezulluar.
Muajin e kaluar, reshjet e dendura të dëborës kanë lënë më shumë se 1 mijë automjete të bllokuara në autostradën “Kanetsu” për dy ditë./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit
