Dy janë te Chelsea dhe një te Milan-i. Klubi londinez tashmë ka vendosur se çfarë do të bëjë me mbrojtësit e tyre për sezonin e ardhshëm.
Christensen, Tomori dhe Rudiger – kush do të rinovojë dhe kush do të largohet?
Andreas Christensen – media të ndryshme afër klubit londinez raportojnë që Chelsea e ka gati kontratën e re për danezin.
Kjo vjen pas performancave të shkëlqyera që ka shfaqur mbrojtësi nën drejtimin e Thomas Tuchel.
Antonio Rudiger – Chelsea dëshiron ta mbajë lojtarin në skuadër dhe gjermanit do t’i ofrohet një kontratë afatgjate para verës.
Tottenham-i është në pritje në rast se marrëveshja nuk arrihet. Lojtari dëshiron që e ardhmja e tij të zgjidhet para se të hapet merkato në qershor.
Fikayo Tomori – Aktualisht, në huazim te Milan-i.
Klubi kuqezi po punon shumë që të nënshkruajë me mbrojtësin këtë verë.
Tutto Mercato raporton që, nëse Milan-i nuk arrin të ulë shifrën e kërkuar nga Chelsea, ata të paktën do mundohen ta mbajnë në huazim edhe për një vit.
Planet e Chelsea-s për të ardhmen e mbrojtjes janë të qarta, nën menaxhimin e Tuchel, blutë kanë pësuar vetëm dy gola në 11 ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit