Ministrja e Turizmit dhe Mjedisit, Mirela Kumbaro, paraditen e 19 janarit e ka nisur me një thirrje nga qyteti i Sarandës për të mbajtur pastër mjedisin.
Ajo theksoi se duhet kjo është një betejë shumë e gjatë, e cila sipas saj duhet të përfundojë sa më shpejt për të nisur më pas me fitoren e luftës së promovimit të turizmit.
Kumbaro së bashku me kryetarin e Bashkisë Finiq dhe punonjës të tjerë të pushtetit vendor panë nga afër mbjelljen e pemëve në buzë të rrugës kombëtare.
“Mënyra më e mirë për të ndaluar në ato pjesë të rrugës ku ka sheshe të cilat shpesh kthehen në vend-depozitime të paligjshme, mbjellja e pemëve është mënyra më e mirë për t’i frenuar, por kjo kërkon pa diskutim koordinim të fuqishëm midis Policisë së Shtetit, Inspektoriatit Kombëtar të Mbrojtjes së Territorit, pushtetit qendror dhe vendor”, vijoi Kumbaro në fjalën e saj.
Ajo kërkoi nga pushteti vendor që të jetë më e vëmendshme ndaj këtij fenomeni, i cili ajo ritheksonte se është një ‘krim që po i bëjmë mjedisit”.
Në vijim Ministrja apeloi se ndëshkimi për këto krime mjedisore do të jetë kryefjala e këtij viti, pasi kjo nisi më 1 tetor të vitit të shkuar dhe më 1 nëntor vazhdoi zbatimi i saj në terren.
“Unë mendoj se jemi të vonuar me masat ndëshkimore. Ky vit, do të jetë viti i betejes për mbrojtjen e mjedisit dhe pastrimit të territorit”, ravijëzoi Ministrja.
Në përfundim ajo i kujtoi qytetarëve dhe këdo që sheh dikë që kryen ‘krime mjedisore’, tashmë mund t’i denoncojnë në “Komisariatin Digjital”.
“Komisariati Digjital ka figurën e krimit mjedisor. Thirrje çdo qytetari të Qarkut të Vlorës, që të jetë aleat i mjedisit. Përveç pastrimit dhe mbjelljes të kalojmë edhe në ndëshkim”, e mbylli apelin e saj për sensibilizim ministrja Kumbaro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit