Basha për Albanian Post: “Trekëndëshi i Bermudas” shpallet ‘non grata’ së shpejti/Jam fajtor se kam lejuar dualizëm në PD
“Dy brinjët e tjera të ‘Trekëndëshit të Bermudës’ do të shpallen së shpejti non grata”.
Kreu i Partisë Demokratike, i është përgjigjur kështu një pyetjeje nga Albanian Post gjatë një konference për shtyp, ku ka folur për zhvillimet e fundit brenda kampit demokrat dhe “duelit” të tij me Sali Berishën, i cili sërish është ndalur në replika në distancë.
Basha ka deklaruar se ai ka informacione mbi shpalljen e Edi Ramës dhe Ilir Metës si non grata nga SHBA-të.
“Fatkeqësisht, Sali Berisha ia doli ta fitonte betejën për t’u shpallur i pari. Por radhën shumë shpejt do ta kenë të tjerët”, vijoi ai.
Më tej, kryedemokrati shtoi se ai dhe Partia Demokratike, nuk mund të merren me hallet e Berishës.
Sakaq, interesit të Albanian Post mbi tetë vitet e para dhe një stil të ri lidershipi që ai po sjell pas shpalljes së Berishës si i padëshiruar nga SHBA-të, Basha iu përgjigj se ka një faj në tetë vitet e para dhe ai lidhet me dualizmin e krijuar brenda PD-së.
Ai ka shtuar më tej se kur shikon të shkuarën, është e thjeshtë t’i thuash gjithçkaje të zezë sot. Por, ai ka marrë përsipër përgjegjësitë e veta, për shkak të një dualizmi që ka lejuar brenda demokratëve.
Gjithsesi, ai mendon se pikërisht ky dualizëm, nuk do ta dëmtojë PD-në.
“Dualizmi nuk do ta dëmtojë më PD dhe prej 9 shtatorit ka marrë fund. PD ka qenë dhe është e gatshme të përballet me çdo situatë. Ajo që mund të them se është se mund të ruajmë qetësinë dhe do të mbrojmë interesin e demokratëve”, vijoi ai.
Sali Berisha dhe batalioni ‘non grata’
“Me zellin e një ish-komunisti, me gjuhën e mashtrimeve dhe gënjeshtrave, po sjell me vete një batalion non grata-sh”.
Kreu i Partisë Demokratike, Lulzim Basha, i është referuar mbledhjes së organizuar nga paraardhësi i tij, Sali Berisha, në ambientet e Partisë Demokratike, si një rikujtuesë e trazirave të vitit 1997, duke i quajtur mbështetësit e ish-kreu të PD-së “batalion non grata-sh dhe organizatë anti-amerikane”.
Sipas Bashës, dita e sotme ka qenë një shenjë tjetër e ndarjes së plotë të demokratëve.
Nga ana tjetër, ai e bëri të qartë sërish, se Kuvendi i Partisë Demokratike do të mblidhet më 18 dhjetor. Për të, përtej faktit se ai do të jetë institucional – ndryshe nga i 11 dhjetorit – do të jetë edhe një Kuvend madhështor, ku demokratët pjesëmarrës nuk do të shantazhohen.
Pra, me anë të kësaj fjalie, Basha pretendon se Berisha ka ushtruar presion ndaj pjesëmarrësve në Kuvendin e zhvilluar më 11 dhjetor.
Me mbledhjen e Këshillit Kombëtar më 12 dhjetor, Basha thekson mendimin e tij se anëtarësia, nuk iu përgjigj kërkesës së Berishës për bojkot. Ndërsa, 11 dhjetori, nuk prodhoi asgjë sipas tij.
“Ky është një vit i mbrapshtë”, nënvizoi Basha. “Sali Berisha është sot problemi i PD-së dhe duhet ta lëmë pas atë.
Kreu i bluve përkufizon rishtazi se Berisha nuk mund ta marrë peng forcën e djathtë. Aq më pak, që interesat e tija dhe të familjes së tij, t’ia lërë në shpatulla partisë dhe demokratëve.
Beteja e Bashës do të vijojë të jetë ajo përballë Edi Ramës dhe “trekëndëshit të Bermudës”. Ndërsa zgjidhjen për shqiptarët, Basha e gjen vetëm tek Partia Demokratike.
“Në vend që të merremi sot me varfërinë në Shqipëri, me familjet që harxhojnë buxhetin e tyre për fatura dritash uji, merremi me përçarje brenda vetes”, vijoi ai.
Basha, me tone të ashpra, tha se Berisha vijon të jetë një “tub oksigjeni për regjimin e Edi Ramës”. Kështu, duke e bërë të qartë se ish-kreu demokrat, “është një patericë për PD-në”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit