Lionel Messi dhe Neymar Jr. Do t’i mungojnë Paris Saint-Germain në ndeshjen e fundjavës përballë Nantes.
Kjo është bërë e ditur nga vetë klubi parisien.
Ata kanë raportuar që Messi dhe Neymar nuk janë stërvitur me klubin dhe do të jenë mungesat e mëdha të PSG-së për rikthimin pas dy javësh.
Mirëpo, ky nuk është shqetësimi i vërtetë i Pochettino-s.
Sipas L’Equipe, të dy futbollistët janë në dyshim edhe për ndeshjen e javës së ardhshme në Champions League, ku PSG luan përballë Manchester City-t në “Etihad”.
Në anën tjetër, klubi parisien ka marrë të paktën një lajm të mirë nga infeirmeria.
Bëhet fjalë për Sergio Ramos, që do ta bëj debutimin për PSG-në gjatë kësaj jave. Mbrojtësi spanjoll nuk ka luajtur ende asnjë ndeshje, për shkak të dëmtimeve të shumta që e kanë përcjellur.
Në Paris, shqetësohen për Messi-n, që deri më tani ka luajtur vetëm pesë ndeshje në ligë, nga të cilat vetëm dy të plota.
Neymar në anën tjetër mbetet historia e njëjtë e viteve të fundit, lëndime në momentin më të mirë.
Pesha e sulmit të Paris-it bie përsëri në shpatullat e Kylian Mbappe, që ka qenë futbollisti më i dalluar nga radhët e skuadrës nga “Parc Des Princes” këtë vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Kurti s’po guxon ta dërgojë draftstatutin e Asociacionit në Kushtetuese, thotë Haziri