Shkëmbimi i kriptomonedhave FTX thotë se ka miliarda dollarë më shumë sesa i duhen për të shlyer klientët.
Firma thotë se pasi të ketë shitur asetet e saj të mbetura, do të ketë deri në 16.3 miliardë dollarë për të mbuluar borxhet, të cilat janë rreth 11 miliardë dollarë.
Plani i ri i riorganizimit të kompanisë thotë se pothuajse të gjithë klientët e saj do të marrin të paktën shumën totale që humbën kur FTX u shemb në nëntor 2022.
Në mars të këtij viti, bashkëthemeluesi i FTX, Sam Bankman-Fried, u dënua me 25 vjet burg për mashtrim të klientëve dhe investitorëve të firmës tashmë të falimentuar.
“Ne jemi të kënaqur që jemi në një pozicion për të propozuar një plan të kapitullit 11 që parashikon kthimin e 100% të shumave të pretendimeve të falimentimit plus interesin për kreditorët joqeveritar”, tha shefi i ri ekzekutiv i kompanisë, John Ray.
Plani sakaq duhet të miratohet nga një gjykatë në SHBA.
FTX tha se ka mbledhur fondet për të paguar borxhet duke shitur investime në asete të mbajtura nga bizneset Alameda Research ose FTX Ventures.
Alameda ishte një firmë tregtare kriptosh e kontrolluar nga Bankman-Fried.
FTX shtoi se një rritje në çmimet e kriptove që kur kompania dështoi nuk i kishte dhënë financave të saj një nxitje të madhe.
Ai tha se pothuajse të gjithë Bitcoin dhe monedhat e tjera digjitale që besohej se ishin mbajtur nga bursa në kohën e kolapsit të saj mungonin.
Çmimi i kriptomonedhës më të madhe, Bitcoin, është rritur me rreth 270% që kur firma deklaroi falimentimin më shumë se një vit e gjysmë më parë.
FTX ishte një nga platformat më të mëdha të kriptove në botë përpara rënies së saj.
Bankman-Fried gëzonte statusin e të famshmit dhe platforma e tij tërhoqi miliona klientë.
Pas raportimeve se ishte në telashe, klientët tërhoqën miliarda dollarë nga FTX, duke shkaktuar shpërthimin e kompanisë dhe duke nxjerrë në pah shtrirjen e krimeve të Bankman-Fried.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
