Gjatë ditës së marte Mininistri i Financave, Punës dhe Tranfereve, Hekuran Murati dhe Drejtori i Bankës Botërore për Kosovë, Massimiliano Paolucci, kanë nënshkruar marrëveshjen e financimit për “Projektin e Reformës së Sistemit të Ndihmës Sociale në Kosovë”.
Marrëveshja në fjalë arrin vlerën e 47 milionë eurove, ku 5 milionë euro pritet të investohen në përforcimin e sistemeve të ofrimit të mbrojtjes sociale.
Ndërsa shuma e mbetur pritet të orientohet drejt përmirësimit të performancës së Skemës së Ndihmës Sociale.
Nënshkrimi i kësaj marrëveshjeje shënon zbatimin e njërit prej masës së Reformimit të Skemës së Asistencës Sociale në kuadër të Pakos së Ringjalljes Ekonomike.
Sipas Muratit marrëveshja e nënshkruar ka një vlerë të lartë për Kosovën duke marrë parasysh nevojën e përmirësimit të targetimit të politikave sociale drejt familjeve më në nevojë.
“Plani i Qeverisë së Kosovës i jep rëndësi të madhe programeve sociale të cilat sigurojnë që të minimizohet varfëria dhe të zvogëlohet pabarazia ekonomike në vend. Andaj, angazhimi i Bankës Botërore drejt këtij qëllimi është tejet i mirëseardhur”, është deklaruar Murati.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Çitaku: Kuvendi duhet të shpërndahet gjatë muajit maj – të hapet rruga për zgjedhjeve të parakohshme
-
Kievi njofton se 10 mijë njerëz u evakuuan nga rajoni i Kharkiv
-
Ushtria izraelite bombardon një shtëpi në Rafah, vdesin 2 persona
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Kurti s’po guxon ta dërgojë draftstatutin e Asociacionit në Kushtetuese, thotë Haziri