Një ditë para ndeshjes së madhe të kombëtares A të Shqipërisë, kuqezinjtë U21 kanë arritur një fitore të madhe.
Në ndeshjen e katërt të tyre në grupin G në kuadër të kualifikueseve për EURO U21, Shqipëria priti Slloveninë në Elbasan.
Kuqezinjtë e dominuan takimi përgjatë çdo minuti, duke dhuruar një tjetër performancë shumë premtuese.
Dominimi i tyre megjithatë nuk u shpërblye me gol në fraksionin hapës.
Gjithçka ndodhi brenda çerekut të parë të pjesës së dytë, me shpresat e kombëtares që gjetën dy gola brenda pesë minutave.
Ishte fillimisht Bernard Karrica ai që gjeti rrugën e rrjetës në minutën e 53-të.
Mario Mitaj e asistoi shumë bukur.
Pesë minuta më vonë, në skenë u ngjit Armando Dobra.
Ky i fundit shfrytëzoi shumë mirë asistimin e Angelo Ndrecka-s, duke e dërguar topin në fundin e rrjetës për epërsinë komode 2-0.
Deri në fund, Sllovenia tentoi që të rihapte takimin, por pa sukses. Mbrojtja e kuqezinjvë ishte shumë solide.
Pas katër ndeshjeve në grup, Shqipëria ka tre fitore, aq sa Çekia.
Momentalisht, kuqezinjtë renditen në vendin e dytë në grup, dhe ashtu si ekipi i parë, duket se edhe lufta e shpresave do të jetë serioze për një vend në play-off.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese