Kryetari i Kuvendit të Serbisë, Ivica Daçiç gjersa ishte Ministër i Punëve të Jashtme të Serbisë, kishte organizuar tre herë negociata paqeje midis autoriteteve të Afganistanit dhe kryengritësve talebanë.
Ky organizimi ishte mbajtur sekret e tani pasi që Afganistani gjendet në duart e talebanëve, Daçiç ka vendosur të zbuloj këto.
Takimet në fjalë të zhvilluara në Serbi u konfirmuan edhe nga mediumi Serb, N1 përmes disa fotografi ekskluzive nga ato negociata.
Sipas Daçiç, takimet sekrete të cilët ishin organizuar nga Beogradi kishin hapur prospekt për marrëveshjen e Dohas, e cila ishte nënshkruar në mes të qeverisë Afgane dhe udhëheqësve politik të kryengritësve taleban, dhe e ndërmjetësuar nga Sekretari i Shteteve të Bashkuara të Amerikës, Mike Pompeo.
“Ata negociuan tri herë – megjithatë, kur fuqitë e mëdha e panë që ne e organizuam atë, atëherë ata thanë se ne do ta bëjmë atë në Doha, të Katarit”, ka thënë Daçiç, raporton mediumi serb N1.
Në anën tjetër Drejtori i organizatës East West Bridge, Jovan Kovaçiç, i cili ishte një nga organizatorët e negociatave ka zbuluar se Serbia ishte vetëm nikoqirë i këtyre takimeve.
“Ne nuk morëm pjesë në bisedime. Nuk ishte as dëshira e as qëllimi ynë. Ishte një çështje mes tyre. Ne ishim thjesht nikoqirë, për t’u siguruar atyre paqe e qetësi” ka thënë Kovaçiç.
Beogradi u zgjodh si një territor neutral, thotë Kovaçiç, duke shtuar se negociatat u udhëhoqën nga Karim Kalili, ish nënkryetari i Afganistanit dhe presidenti i atëhershëm i Këshillit të Lartë të Paqes. Përveç tij, ishin të pranishëm edhe shumë përfaqësues të talebanëve, të cilët duheshin hequr nga listat e ndryshme të zeza veçanërisht për atë rast, në mënyrë që të mund të udhëtonin.
“Për herë të parë, komandantët e rreth 20 provincave në Afganistan biseduan me Presidentin Ashraf Ghani përmes platformës virtuale Skype. Ata i kërkuan Kabulit që t’i ndihmojë ata të ndërtojnë infrastrukturë, shkolla, spitale, energji elektrike, e ujësjellës”, thotë Kovačić.
“Sidoqoftë, takimi i katërt nuk u zhvillua kurrë – situata në terren nuk ishte më relativisht e qetë, dhe negociatat filluan zyrtarisht në Katar, ku ndërmjetësit më të rëndësishëm ishin SHBA-të. Paqja nuk u arrit kurrë, por disa vjet më vonë, zyrtarët serbë mund të mburren se edhe ata u përpoqën të ndihmojnë”, shton Kovaçiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku: Kuvendi duhet të shpërndahet gjatë muajit maj – të hapet rruga për zgjedhjeve të parakohshme
-
Kievi njofton se 10 mijë njerëz u evakuuan nga rajoni i Kharkiv
-
Ushtria izraelite bombardon një shtëpi në Rafah, vdesin 2 persona
-
Kurti s’po guxon ta dërgojë draftstatutin e Asociacionit në Kushtetuese, thotë Haziri
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Kurti s’po guxon ta dërgojë draftstatutin e Asociacionit në Kushtetuese, thotë Haziri