Katër përfaqësueset e fundit që do të kualifikohen në fazën e 1/8-at të finales në Kampionatin Europian “Euro 2020” mësohen të mëkurën mbrëma.
Në dy grupet e fundit, Grupi E dhe Grupi F, zhvillohen ndeshjet e fundit, të cilat përcaktojnë kush ecën tutje dhe kush e mbaron në grupe aventurën europiane.
I hapur pothuaj plotësisht për të katër përfaqësueset është Grupi E, në të cilin Spanja do të përballet me Sllovakinë dhe Polonia me Suedinë.
Spanja aktualisht pozicionohet e treta në grup me vetëm dy pikë, derisa një më shumë e ka Sllovakia në vendin e dytë.
Spanjollët disi kanë humbur ritmin e lojës që kishin dikur dhe në dy ndeshjet e para, nuk shkuan më shumë se dy barazime.
Në përballjen e parë ndaj Suedisë barazuan pa gola, ndërkaq në atë të dytën ndaj Polonisë me rezultat 1-1.
Andaj vetëm fitorja në këtë përballje, do ta kualifikonte në fazën e 1/16-ve të finales, rrjedhimisht çdo rezultat tjetër do t’i eliminonte spanjollët nga “Euro 2020”.
Sa i përket përballjeve të kaluara, këto dy kombëtare janë ballafaquar gjashtë herë mes tyre. Spanja prinë me katër fitore, kundrejt një barazimi dhe një fitoreje të Sllovakisë.
Ndeshja tjetër e këtij grupi, do të zhvillohet në stadiumin “Gazprom Arena” të Shën Përtersburgut, mes Suedisë dhe Polonisë.
Suedia është e para në grup me katër pikë, dhe tashmë ka siguruar kualifikimin tutje. Ndërsa, Polonia pozicionohet e fundit në grup me vetëm një pikë.
Suedia, në ndeshjen e parë, nxori barazim ndaj Spanjës, derisa të dytën e fitoi ndaj Sllovakisë me rezultat 1-0.
Kurse Polonia, në ndeshjen e parë ishin pak sa të pafat, duke humbur ndaj Sllovakisë me rezultat 1-2, pas një kartoni të kuq të marrë nga ana e polakëve, kurse nw të dytën barazoi 1-1 ndaj Spanjës.
Sa i përket përballjeve të kaluara, këto dy kombëtare janë takuar tetë herë mes tyre, prej të cilave prinë bindshëm Suedia me shtatë fitore, kundrejt vetëm një të Polonisë në vitin e largët 1974.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit