Në zgjedhjet e pjesshme lokale të 6 marsit, janë regjistruar 11 parti politike, por lëvizja e Sali Berishës dhe vendosja e saj në një koalicion me Lëvizjen Socialiste për Integrim, nën siglën “Shtëpia e Lirisë”, nuk është pjesë.
Lajmin e ka bërë të ditur vetë Komisioneri Shtetëror i Zgjedhjeve, Ilirjan Celibashi, i cili nëpërmjet një postimi në Twitter, ka treguar edhe listën e plotë të subjekteve të regjistruara.
“Nuk është paraqitur në KQZ & në asnjë KZAZ ndonjë kërkesë për regjistrim si subjekt zgjedhor në zgjedhjet e pjesshme vendore, asnjë Komitet Nismëtar”, shkruan Celibashi, duke iu referuar lëvizjes Berisha.
2/3 Nuk është paraqitur në KQZ & në asnjë KZAZ ndonjë kërkesë për regjistrim si subjekt zgjedhor në zgjedhjet e pjesshme vendore, asnjë Komitet Nismëtar.
— Ilirjan Celibashi (@ICelibashi) February 1, 2022
Komisioni i Rihemelimin, zgjodhi më 30 janar kandidatët për lokalet e 6 marsit, pas zhvillimit të primareve brenda anëtarësisë. Më pas, ish-kryeministri, Sali Berisha, doli në një prononcim, duke thënë se ka arritur akordin me LSI-së, për të garuar së bashku në lokale, duke mbajtur si kandidatë emrat e Komisionit të Rithemelimit.
Por, sipas njoftimit të Celibashit, regjistrim të tyre nuk ka nën një sigël të veçantë.
Vetë LSI-ja, është një prej subjekteve të regjistruara. Ajo i bashkohet Partisë Socialiste dhe asaj Demokratike, për të plotësuar treshen e partive të mëdha në Shqipëri.
1/3 Në @KQZShqiperi kanë paraqitur kërkesë për t'u regjistruar si subjekte zgjedhore në #zgjedhje6bashki të datës #6mars2022, partitë 👇 pic.twitter.com/NtXXdtDliF
— Ilirjan Celibashi (@ICelibashi) February 1, 2022
Subjekte të tjera janë Fryma e Re Demokratike, Partia Kristian Demokrate, Partia Demokristiane e Shqipërisë, Partia e Reformave Demokratike e Shqipërisë, Partia Bashkimi Demokrat, Partia Lëvizja e Legalitetit, Partia Balli Kombëtar Demokrat.
Kështu plotësohet edhe lista me 11 emra.
Ndërkohë, Komisioneri ka bërë me dije se KQZ-ja, ka në dispozicion 24 orë kohë, për të kthyer për plotësim dokumentacionin e partive, ku hasen mangësi. Më pas, vijohet me miratimin e tyre në seancë.
Nga ana e vetë subjekteve, do të ketë më pas po 24 orë kohë, për të sjellë kërkesën për koalicione të mundshme zgjedhore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit