Ish-presidenti amerikan Donald Trump dhe fëmijët e tij të rritur u paditën për mashtrim të mërkurën nga prokurorja e përgjithshme e shtetit të New York-ut, Letitia James.
Lajmi u bë i ditur nga agjencia “Reuters”.
Prokurorja prej më shumë se tre vitesh ka kryer një hetim civil mbi praktikat e biznesit të Trump-it, treguan të dhënat e gjykatës.
Padia, e paraqitur në një gjykatë të shtetit të New York-ut në Manhattan, akuzoi Organizatën Trump për përfshirje në “akte të shumta mashtrimi dhe keqinterpretimi”.
Kjo, në përgatitjen e deklaratave vjetore të gjendjes financiare të Trump nga viti 2011 deri në 2021.
Ajo gjithashtu emëroi Organizatën Trump, djalin (Donald Trump Jr) dhe vajzën e tij Ivanka Trump si të pandehur.
Hetimi nga Letitia James është fokusuar nëse Organizata Trump ka keqdeklaruar vlerat e pronave të saj të paluajtshme për të marrë kredi të favorshme dhe përfitime tatimore.
Ish-presidenti republikan ka mohuar çdo keqbërje dhe e ka përshkruar hetimin e James si një gjueti shtrigash të motivuar politikisht.
James është një demokrate. Organizata Trump i ka quajtur akuzat e James “të pabaza”.
Padia shënon një nga goditjet më të mëdha ligjore për Trump që kur u largua nga detyra në janar të vitit 2021.
Trump po konsideron të kandidojë përsëri për president në zgjedhjet e vitit 2024.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit
