Përfaqësuesi special i Bashkimit Evropian për dialogun Kosovë-Serbi, Miroslav Lajçak, është takuar në Bruksel me Zëvendëskryeministrin e Kosovës, Besnik Bislimi, njëherësh kryenegociator i palës kosovare në dialogun me Serbinë.
Këtë e ka bërë të ditur Lajçak, përmes një cicërime në Twitter.
“Patëm një diskutim të gjatë dhe të detajuar me Besnik Bislimin sot në Bruksel për gjendjen e tanishme dhe hapat e ardhshëm në dialog”, ka shkruar Lajçak.
Had a long and detailed discussion with @BislimiBesnik today in Brussels about the state of play and next steps in the Dialogue. pic.twitter.com/tGQvSS2DzQ
— Miroslav Lajčák (@MiroslavLajcak) July 14, 2022
Një javë pas akordimit për udhërrëfyesin për Marrëveshjen për Energjinë Elektrike mes Kosovës e Serbisë në Bruksel (21 qershor), Miroslav Lajçak, ndërmjetësuesi i deleguar i dialogut mes dy shteteve nga Bashkimi Evropian, kishte vizituar Kosovën.
Lajçak kishte ardhur me 27 qershor, me agjendë të ngjeshur, pasi përveç takimit me kryeministrin e Kosovës, Albin Kurti, ai është takuar edhe me gjithë liderët e partive opozitare.
Nga paralajmërimet për një takim në muajin korrik, ndërmjet kryeministrit të Kosovës, Albin Kurti dhe presidentit të Serbisë Aleksander Vuçiç akoma nuk ka dalur diçka zyrtare.
Qeveria e Kosovës nuk e ka përjashtuar mundësinë që ky takim të zhvillohet në pjesën e dytë të muajit korrik, ani pse janë në pritje të ftesës për takim.
Zëdhënësja e Qeverisë së Kosovës, Rozafa Kelmendi, në një prononcim për agjencinë e lajmeve KosovaPress ishte shprehur se mundësitë që takimet të zhvillohen janë folur, por që kjo varet nga ndërmjetësuesit.
Më 6 korrik, presidenti i Serbisë, Aleksandër Vuçiç, ka deklaruar se nuk do të ketë takim mes tij e kryeministrit të Kosovës, Albin Kurti, në Bruksel, para fillimit të pushimeve të verës, ashtu siç ishte njoftuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës
-
Perez: Orbani do të sakrifojë Kosovën për të mbajtur afër Serbinë
-
Helikopteri i presidentit iranian pëson ‘ulje të vështirë’
-
Forca Detare shqiptare dërgon anijen e dytë në operacionet e NATO-s
Lajmet kryesore
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës
