Një letër e hapur drejtuar Qeverisë së Maqedonisë së Veriut ka ardhur nga kancelari gjerman, Olaf Scholz.
Ai nëpërmjet saj ka kërkuar miratimin e propozimit francez, duke e cilësuar këtë të fundit si një vendim të rëndësishëm për të ardhmen e vendit.
“Ne e duam Maqedoninë e Veriut si anëtare të BE-së”, thekson kancelari gjerman.
Ai shkruan se e kupton padurimin e popullit – marrë shkas nga protestat e fundit – por ky miratimin do ta sillte Maqedoninë e Veriut një hap shumë më afër anëtarësimit në BE.
“Vendi juaj ndodhet sërish para një vendimi të rëndësishëm për të ardhmen e tij. Dëshironi ta pranoni kompromisin evropian? Kështu mund të mbahet më në fund Konferenca e Parë Ndërqeveritare – shtatëmbëdhjetë vjet pas dhënies së statusit të një vendi kandidat për në Bashkimin Evropian”.
Sipas tij pranimi do ta sjellë RMV-në një hap më afër anëtarësimit në BE dhe do të kapërcejë bllokadën.
Scholz siguron që padurimin nga pala maqedonase po e përjeton njëjtë si ta.
“Unë e kuptoj kur ju thoni: Neve për një kohë të gjatë na është premtuar shumë. Shumë është kërkuar prej nesh. Unë e kuptoj kur ju keni dyshime, nëse me këtë hap vërtet rruga drejt anëtarësimit për në BE është e hapur”, shprehet ai.
Pavarësisht se kërkon miratimin e këtij propozimi, kancelari gjerman shkruan se procesi i anëtarësimit në BE nuk do të jetë i lehtë.
“Pengesa të tjera do të duhet të kapërcehen. Por unë them po ashtu: bashkë do t’i përballojmë detyrat që kemi përpara. Sepse ne ju duam si anëtarë të këtij Bashkimi Evropian!”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtria izraelite bombardon një shtëpi në Rafah, vdesin 2 persona
-
Kurti s’po guxon ta dërgojë draftstatutin e Asociacionit në Kushtetuese, thotë Haziri
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Hovenier viziton në Leposaviq ushtarët amerikanë të KFOR-it
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri