FIFA zgjodhi më të mirët për vitin 2022 në mbrëmjen e kaluar në Paris, ku Lionel Messi e fitoi çmimin “Best FIFA Football Aëards 2022”.
Të drejtë vote kishin kapitenët dhe trajnerët e kombëtares si dhe disa gazetarë, por çuditërisht, Cristiano Ronaldo nuk votoi në cilësinë e kapitenit të Portugalisë.
Arsyet nuk janë bërë të ditur nga kombëtarja e Portugalisë (theksojnë mediumet e mëdha botërore), derisa në vend të CR7 votoi ish-mbrojtësi i Real Madrid-it, Pepe.
🏆 𝗠𝗘𝗦𝗦𝗜 🏆
#TheBest FIFA Men’s Player Award 2022 goes to Lionel Messi! 🇦🇷 pic.twitter.com/HXEugVH1t9— FIFA World Cup (@FIFAWorldCup) February 27, 2023
Ky i fundit, si lojtarin e parë më të mirë e votoi Kylian Mbappe-n, derisa dy votat tjera i dha për ish-shokët e tij të skuadrës në Madrid, Luka Modric-in edhe Karim Benzema-n.
Pra, as nga Pepe nuk kishte votë për fituesin e Kupës së Botës, Lionel Messi-n.
Interesant është fakti, se trajneri i posa emëruar i Portugalisë, Roberto Martinez, ia dha pikërisht votën e parë Messi-it, ndërsa dy të tjerat i dha për Kevin De Bruyne-n dhe Kylian Mbappe-n.
Ndërkohë, Messi në cilësinë e kapitenit të Argjentinës, votat i dha për: Neymar dhe Mbappe të parin dhe të dytin, ndërsa zgjedhja e tretë shkoi për Karim Benzema-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit