Kryeministri i Shqipërisë, Edi Rama, mbrëmjen e 22 shtatorit ka zhvilluar një takim me Presidentin e Turqisë, Recep Tayyip Erdogan, në takimin e 76-të të Asamblesë së Përgjithshme të OKB-së
Ky takim u njoftua nga faqja zyrtare e qeverisë turke në Facebook dhe profili zyrtar i Kryeministrit Rama. Detajet e takimit nuk dihen ende.
Rama foton me Erdogan e cilësoi si, “Foto e ditës”.
Kreu i qeverisë shqiptare gjatë qëndrimit në New York, ka zhvilluar takime edhe me liderë të tjerë. Rama pritet të mbajë fjalën e tij në Asamblenë e OKB-së.
Çfarë ka ndodhur deri tani në New York?
Kryeministri i Shqipërisë, Edi Rama, gjatë vizitës që po zhvillon në New York, ka firmosur një marrëveshje në kuadër të bashkëpunimit midis dy akademive ushtarake.
Përkatësisht ajo e Forcave të Armatosura Shqiptare (FASH) dhe Akademia Ushtarake e “West Point” në New York, do të kenë një program binjakëzimi – duke njehsuar kështu kurrikulat e tyre.
Bashkë me kryeministrin Rama, ndodhet dhe ministrja për Evropën dhe Punët e Jashtme, Olta Xhaçka.
Ajo është takuar me homologun e saj të Egjiptit, Sameh Hassan Shoukry.
Asambleja e OKB-së
Asambleja e Përgjithshme e OKB-së është organi kryesor politikëbërës i Kombeve të Bashkuara.
I pranishëm në këto takime për herë të parë ishte edhe Joe Biden, presidenti amerikan.
Ai, nga aty, është zotuar për bashkëpunim me aleatët, duke e cilësuar këtë dekadë si “vendimtaren për botën”.
Biden njoftoi se do të dyfishojë zotimin e tij për financimin mbi klimën deri në vitin 2024.
Asambleja e 76-të e Përgjithshme në zhvillohet në sfondin e një krize klimatike dhe një pandemie.
Këto të dyja kanë qenë edhe frontet e Biden-it për bashkëpunim.
Nga ana tjetër sekretari i OKB-së, António Guterres, në fjalimin e tij hyrës, bëri me dije gjashtë prioritetet globale.
Paqja, klima, varfëria, ndarja gjinore digjitale dhe ndarja mes brezave ishin prioritetet sipas tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gati për konsultim publik Plani i Menaxhimit për Parkun Kombëtar të Vjosës, thotë Rama
-
Escobar: Opozita të gjejë rrugën e saj, mos të drejtohet nga dikush që na kujton kohët e vështira
-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
Projekt pilot për pagesat elektronike, Rama: Eviton evazionin nga bizneset