Kryeministri i Shqipërisë, Edi Rama, në një takim me nxënës dhe studentë në qytetin e Elbasanit për Strategjinë e Re Kombëtare për Rininë 2022-2029, ka deklaruar se do të bëhet një investim masiv për laboratorët në shkolla.
“Investim masiv për laboratorët. Është pikë e projekt-buxhetit për vitin 2022”, bëri me dije Rama.
Së bashku me Kryeministrin, shqetësimet e nxënësve dhe studentëve i dëgjuan dhe ministrja e Arsimit dhe Sportit, Evis Kushi dhe ajo e Shtetit për Rininë dhe Fëmijët, Bora Muzhaqi.
Më tej Rama theksoi faktin se qeveria ka përgatitur një fond të veçantë për të ndryshuar mësimdhënien e informatikës/teknologjisë.
Gjithashtu Kryeministri i vendit vijoi me prezantimin e planit duke deklaruar se se do të ketë një program kombëtar për çështjen e arteve dhe sporteve.
“Do të fillojmë hap pas hap gjithë organizimin e sistemit, që shkollat të kenë kapacitet për t’iu përgjigjur dëshirave dhe kërkesave të nxënësve për të zhvilluar një pjesë të caktuar të artit dhe zejeve”, tha Rama në fjalën e tij.
Në përfundim Kryeministri tha se mungesa e një hapësire të mbushur me aktivitete jashtëshkollore është problematike dhe është adresuar për të gjetur zgjidhje.
“Këtë mangësi do e mbushim hap pas hapi”, e mbylli Rama.
Strategjinë e Re Kombëtare për Rininë do të prodhojë në bashkëpunim me më të rinjtë një dokument pune dhe angazhimesh konkrete të institucioneve kombëtare e vendore, në funksion të fuqizimit të rinisë shqiptare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit