Policia blindon Vlorën pas atentatit me eksploziv, Albanian Post zbulon gjendjen e të plagosurit
Policia lokale e Vlorës e ndihmuar edhe nga FNSH-ja e Fierit kanë rrethuar qytetin bregdetar pas atentatit që ndodhi pasditen e 19 dhjetorit në lagjen “10 Korriku”.
Në të, mbeti i plagosur nga shpërthimi me eksploziv 33-vjeçari me iniciale I.S.
Ndërkaq, mësohet se janë shoqëruar gjashtë persona, të cilët po merren në pyetje.
Kurse lënda plasëse e llojit tritol që shpërtheu atje dyshohet të këtë qenë afro 400 gram.
Kamerat e sigurisë kanë kapur momentin e shpërthimit të tritolit, por jo vetëm.
Eksplozivi ka shpërthyer pasi i riu parkoi makinën dhe po dilte nga garazhi. Bomba me telekomandë ishte vendosur pranë hyrjes së garazhit dhe ishte mbuluar me një karton që të mos dallohej.
Për momentin, pista e vetme në tryezën e hetuesve është e kaluara e vlonjatit jashtë vendit ku ka jetuar për disa kohë.
Deri më tani, dihet se i riu nuk ka qenë i dënuar, por ka disa precedentë të mëparshëm për shkak të përfshirjes në disa konflikte me persona të tjerë.
Dhe ky rezulton të jetë atentati i dytë që i bëhet.
Burime për Albanian Post pranë Spitalit të Traumës kanë treguar se pacienti ndodhet në gjendje shoku traumatik, me dëmtime të rënda të anësive.
Ndërkohë, ai është duke marrë ndihmën e parë.
Aktualisht, prognoza është e rezervuar. Do të ndiqet në vazhdim.
Çfarë ka ndodhur?
Ngjarja ka ndodhur pasditen e 19 dhjetorit.
Kontaktuar nga Albanian Post, autoritetet policore kanë konfirmuar se ngjarja ka ndodhur në lagjen “10 Korriku”, jashtë një pallati ku mendohet se banonte i plagosuri.
Sipas burimeve zyrtare, dyshohet se lënda e shpërthyer, në rrethana ende te paqarta, ka qenë eksploziv. Një hamendësim është ai i atentatit, të kryer ndaj personit.
Lënda shpërthyese ishte vendosur në mjetin e 33-vjeçarit, i cili raportohet se ka pasur më parë precedentë penalë. Mbi të gjitha, në vitin 2017, ai i ka shpëtuar një tjetër atentati.
Shtetasi I. S. është dërguar në spitalin e Traumës Tiranë, për të marrë shërbimin mjekësore të specializuar, pasi mori atë të parë në Spitalin e Vlorës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit