Përfundojnë hetimet për 90 milionë euro fitime kapitale nga Roma

Prokuroria e Romës ka mbyllur hetimin për fitimet kapitale të klubit të Roma-s. Sipas asaj që raportohet nga “ANSA”, drejtuesit e vjetër të klubit, kryesuar nga James Pallotta, Mauro Baldissoni dhe drejtues të tjerë rrezikojnë të përfundojnë në gjyq. Presidenti dhe nënkryetari aktual i Roma Dan dhe Ryan Friedkin nuk figurojnë në dokumentin përmbyllës të hetimeve.

Siç shpjegohet nga zyra gjyqësore e drejtuar nga Francesco Lo Voi, sipas akuzës, klubi verdhekuq “do të kishte realizuar gjatë viteve” nga 2017 deri në 2021 “një seri fitimesh kapitale fiktive përmes operacioneve të shkëmbimit të lojtarëve, të cilat me sa duket u kryen si operacione të veçanta të blerjes dhe shitjes dhe për rrjedhojë të kontabilizuara, në kundërshtim me parimin e kontabilitetit”.

Këto janë gjithsej 12 operacione të kryera midis 2017 dhe 2021, të gjitha të lidhura me shkëmbimet e lojtarëve me klube të tjera, të cilat, sipas asaj që u rindërtua nga “Calcio e Finanza”, çuan në të ardhura të lidhura me fitimet kapitale prej 88.6 milionë euro.

Këto janë operacione të përfunduara me Sassuolo, Inter, Atalanta, Juventus dhe Napoli:

• Defrel: blerë për 17.491 milionë euro nga Sassuolo;
• Marchizza: i shitur për 3 milionë Sassuolo (fitim kapital prej 3 milionë);
• Frattesi: i shitur për 5 milionë te Sassuolo (fitim kapital prej 5 milionë);
• Zaniolo: blerë për 5.7 milionë nga Inter;
• Santon: blerë për 10 milionë nga Inter;
• Nainggolan: i shitur për 38 milionë te Inter (fitimi kapital prej 31,912 milionë);
• Cristante: blerë për 27.6 milionë nga Atalanta;
• Tumminello: i shitur për 5 milionë te Atalanta (fitimi kapital prej 4,488 milionë);
• Spinazzola: blerë për 29.5 milionë nga Juventus;
• Luca Pellegrini: i shitur për 22 milionë te Juventus (fitim kapital prej 21.097 milionë);
• Manolas: i shitur për 36 milionë te Napoli (fitimi kapital prej 31.124 milionë);
• Diawara: blerë për 22.9 milionë nga Napoli.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.