Një grua “humbet ndjenjat” në koncertin e John Mayer – artisti ndalon shfaqjen

Këngëtari dhe tekstshkruesi, John Mayer ndaloi koncertin e tij të “Small Stage”, sapo vuri re se një grua në publik nuk po ndihej mirë dhe me gjasë ishte edhe pa ndjenja.

Koncerti i prezantuar nga SiriusXM dhe Pandora, u mbajt në “Hollywood Palladium” në Los Angeles, ndërsa në mes të këngës së tij hit “Slow Dancing in a Burning Room”, këngëtari ndaloi muzikën dhe foli me audiencën duke e pyetur nëse gruaja ishte mirë.

“Më jepni një gisht të madh nëse ata janë vigjilentë. Unë do të zbres nga skena për një moment”, tha ai duke biseduar me publikun.

Zyrtarët nxituan në pjesën e përparme të skenës dhe i detyruan anëtarët e audiencës të hapnin një rresht për ta shoqëruar gruan në një karrige me rrota.

“Kushdo në publik që ishte i shqetësuar, më është thënë se ajo përshëndeti me dorë, kështu që ajo është në rregull”, i tha Mayer turmës kur u kthye në skenë.

“Sistemi funksionon, faleminderit shumë”, ka përfunduar artisti.

Publiku duartrokiti këngëtaren për ndërprerjen e shfaqjes për të ndihmuar, teksa ai rifilloi të luante pesë minuta më vonë me këngën e tij hit, “Waiting On the World to Change”.

Anëtarët e audiencës përfshinin edhe disa prej figurave publike, si: Andy Cohen, Heidi Klum, Drew Tarver dhe Vanessa Hudgens.

Për të gjithë personat kurreshtarë per ta parë ngjarjen të vizuelizuar, koncerti do të transmetohet i plotë të shtunën e 12 shkurtit, si pjesë e serialit të Pandorës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.