Nëna ukrainase që e humbi syrin gjatë një tentim vrasjeje nga rusët, bëhet ylli i kopertinës “Playboy”
Një nënë ukrainase që humbi një sy në një atentat të dyshuar është shfaqur në rolin e modeles, si ylli i kopertinës në Playboy-in e parë të printuar që nga pushtimi rus.
Iryna Bilotserkovets, bashkëshorti i së cilës është ndihmës i kryebashkiakut të Kievit, Vitali Klitschko, pozoi me një maskë sysh dhe bikini metalike pasi u kap në një sulm me armë vetëm tre ditë pasi Rusia pushtoi Ukrainën në shkurt të vitit të kaluar.
Nëna e tre fëmijëve po udhëtonte për në shtëpi me fëmijët e saj nëpër një lagje në Ukrainë kur makina e saj u godit nga plumba të shumtë, shkruan The Independent, transmeton AlbanianPost.
Duke folur për Playboy për jetën pas sulmit, ajo tha se doktorët nuk i dhanë asaj shumë shpresa, se do të shpëtonte.
“Mjekët në Ukrainë thanë se ndoshta do të vdisja. Unë nuk isha dakord”, ka thënë Iryna.
Modelja dhe prezantuesja televizive u detyrua t’i nënshtrohej një operacioni të madh rindërtues në një spital në Berlin dhe që atëherë është bërë një simbol i rezistencës në Ukrainë.
Gjatë operacionit, Bilotserkovets humbi një sy dhe mbeti me një nofull të thyer dhe plagë të konsiderueshme në trupin e saj.
“Nuk ishte fjala për të ruajtur bukurinë time, ishte një çështje nëse do të jetoja apo jo”, tha ajo.
Bilotserkovets u shfaq në kopertinën e Playboy si pjesë e edicionit të tyre “Femrat qëndrojnë të forta”, i cili shikon “rezistencën e grave ukrainase që janë plagosur gjatë luftës, por që nuk e kanë humbur etjen e tyre për jetë”.
Duke folur për plagët e marra në sulm, ajo tha: “Qepje, plagë, plagë gjithandej. Isha thjesht përbindëshi i Frankensteinit. Më ishte copëtuar nofulla, si një thupër”.
“Unë nuk kam më një fytyrë të bukur, por pjesa tjetër e trupit tim mbetet akoma e bukur”, shtoi ajo.
Në një deklaratë, revista amerikane e quajti atë “heroinën” e edicionit të ri.
Ky botim shënon herën e parë që Playboy ka printuar një numër në 18 muajt e fundit pasi vendosi të hyjë të publikohet vetëm online, prej fillimit të pandemisë së Koronavirusit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tom Selleck zbulon pse ai pothuajse refuzoi një kërcim me Princeshën Diana në darkën e Shtëpisë së Bardhë në vitin 1985
-
Cardi B sqaron pse ajo iu referua stilistit të veshjes së saj në Met Gala si “aziatik” në vend të emrit të tij
-
Ariana Grande thotë se xhirimi i filmit “Wicked” ishte “transformues”
-
Rita Ora dhe Taika Waititi rrëmbejnë vëmendje me stilin e veshjes në Met Gala 2024
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese