Grumbuj mbështetësish të ish-presidentit amerikan Donald Trump mbërritën në shtëpinë e tij në Mar-a-Lago të Florida-s.
Kjo, pasi u zbulua se FBI-ja po kontrollonte kasafortën e Trump-it si pjesë e një hetimi nëse ai kishte marrë të dhëna të klasifikuara nga Shtëpia e Bardhë në rezidencën e Florida-s.
Lajmi u bë i ditur nga agjencia franceze “AFP”.
Trump pohoi se agjentët kishin hapur një kasafortë në shtëpinë e tij dhe e përshkroi punën e tyre si një ‘bastisje të paparalajmëruar’ që ai e krahasoi me ‘sjellje të pahijshme të prokurorisë’.
Bastisja në shtëpinë e Trump përfaqëson një përshkallëzim dramatik dhe të paprecedentë të kontrollit të zbatimit të ligjit të ish-presidentit.
Shumë nga mbështetësit u indinjuan nga bastisja dhe një turmë u mblodh jashtë shtëpisë së tij në Florida për të treguar mbështetjen e tyre për Trump-in.
Mbështetësit mbanin parulla dhe pankarta pro-Trump, duke përfshirë ato për një fushatë të supozuar të vitit 2024.
Njëri prej tyre u identifikua publikisht si anëtar i ekstremit të djathtë “Proud Boys”.
Bastisja në shtëpinë e Trump-it intensifikon hetimin disamujor se si dokumentet e klasifikuara përfunduan në më shumë se një duzinë kuti të vendosura në Mar-a-Lago në fillim të këtij viti.
Zëdhënësja e Departamentit të Drejtësisë, Dena Iverson nuk pranoi të komentojë mbi kërkimin, përfshirë pyetjen nëse Prokurori i Përgjithshëm Merrick Garland e kishte autorizuar personalisht atë.
Arkivi Kombëtar tha se Trump duhet ta kishte dorëzuar atë material pas largimit nga detyra dhe i kërkoi Departamentit të Drejtësisë të hetonte.
FBI bastis rezidencën e Trump-it për dokumente të klasifikuara
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten