Koreja e Veriut është përpjekur të vjedhë teknologjinë e vaksinës Pfizer kundër Covid-19 . Hacker-at u përpoqën të hack-onin serverat e prodhuesit amerikan. Ky njoftim vjen nga Agjencia e Inteligjencës së Koresë së Jugut.
Agjencia e lajmeve Yonhap shkruante se spiunët e Koresë së Jugut informuan anëtarët e parlamentit për zhvillimin në një seancë me dyer të mbyllura të Komitetit të Inteligjencës së Asamblesë Kombëtare në Seul.
Nuk u zbulua kur ndodhi sulmi apo nëse regjimi i Kim Jong-un arriti të vidhte informacione thelbësore në lidhje me mënyrën e prodhimit të vaksinës. Pfizer-i nuk ka dhënë ende asnjë deklaratë.
Agjencia e Inteligjencës në Koresë së Jugut ka deklaruar më parë se ka tentuar të ndalojë përpjekjet e Koresë së Veriut për të hyrë në kompanitë ku po prodhohen vaksinat në Seul. Në dhjetor të vitit të kaluar u raportua se hacker-ët u përpoqën të thyenin sigurinë e të paktën nëntë organizatave shëndetësore, që punojnë për prodhimin e vaksinave, përfshirë Mbretërinë e Bashkuar (MB) apo Shtetet e Bashkuara të Amerikës (SHBA).
Sjellim në vëmendje se kjo mund të ketë ndodhur pas daljes së një raporti ku thuhej se hacket-at e Koresë së Veriut po përdornin fondet e mbledhura, përmes krimit kibernetik për të paguar programin e armëve bërthamore të vendit. Arka e Koresë së Veriut është goditur keq nga një seri sanksionesh ndërkombëtare që ndalojnë shumicën e tregtisë.
Në një raport konfidencial të Këshillit të Sigurimit të Kombeve të Bashkuara (OKB) thuhej se Koreja e Veriut kishte mbledhur më shumë se 316 milion dollarë në kriptomonedha për të mbështetur programet e të ndaluara të raketave bërthamore dhe balistike nga 2019 në nëntor të vitit 2020.
Koreja e Veriut u konsiderua përgjegjëse për kryerjen një fushate online të vitit 2013. Kjo fushatë paralizoi serverat e institucioneve financiare të Koresë së Jugut. Në vitin 2014 Koreja e Veriut u akuzua për një sulm masiv në Sony Pictures. Gjithashtu në vitin 2017 u fajësua për sulmin kiobernetik WannaCry.
Koreja e Veriut është një nga vendet e vetme në botë që nuk ka të prekur nga coronavirus-i.Vendi ka aplikuar për dy milion doza të vaksinës të zhvilluar nga AstraZeneca.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Klubi i super miliarderëve po zgjerohet: 15 kanë mbi 100 miliardë dollarë pasuri
-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
Lajmet kryesore
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
-
Hasani takim me Kaja Kallas: Diskutime për forcimin e marrëdhënieve dypalëshe
-
Kievi njofton se 10 mijë njerëz u evakuuan nga rajoni i Kharkiv
-
Komandanti i KFOR-it: Ngjarjet e vitit të kaluar në Kosovë cenuan sigurinë e rajonit