Komunitetet e peshkimit nё Korenё e Jugut janë të shqetёsuara pas planit të Japonisё pёr lёshimin e ujёrave të ndotur nga Fukushima. Sipas tyre, kjo do tё ndotё detet, përpos premtimeve se substancat radioaktive do tё pastrohen.
Muajin e kaluar, Japonia njoftoi se po projektonte nxjerrjen e më shumë se një milion ton ujërave të ndotura nga katastrofa e Fukushima, në Oqeanin Paqësor.
Grupet e peshkimit në Korenë e Jugut kanë dёrguar flota anijesh nё det, duke valёvitur flamuj nё formё proteste.
“Kur të shkarkohet uji i ndotur nga Fukushima, njerëzit do të shmangin prodhimet e detit dhe peshkatarët do të humbasin vendet e tyre të punës”, tha 73-vjeçari Lee Dong-ho pёr Al Jazeera, i cili ka peshkuar pёr 40 vite nё brigjet jugore tё Koresё sё Jugut.
Muajin e kaluar, koalicioni i 25 organizatave tё peshkimit i ka dёrguar njё letёr ambasadёs japoneze.
“Industria jonë do të dёmtohet rёndё pas shqetësimeve tё njerëzve pёr ndotjen e mundshme radioaktive të produkteve detare”, shkruhej nё tё.
Qeveria japoneze njoftoi planin për të ftohur reaktorët në Fukushima, qëkur termocentrali u shkatërrua në tsunami nё vitin 2011. Njoftimi i 13 prillit u shoqёrua me kundërshtime nga Kina dhe Koreja e Jugut dhe javë të tëra protestash nё Seul.
Presidenti i Koresë së Jugut, Moon Jae-in, në vitin e fundit të mandatit të tij pesëvjeçar, doli fuqimisht kundër vendimit të Tokios, duke bërë thirrje që zyrtarët t’u drejtoheshin mjeteve ligjore për të bllokuar Japoninë nga shkarkimi i ujërave të ndotura.
Guvernatorët e ishullit Jeju, Provinca Gyeongsang, kryetarët e bashkive të Busan-it dhe qytete të tjera po bëjnë thirrje që Japonia të braktisë planin e saj dhe që qeveria kombëtare e Koresë së Jugut të veprojë me urgjencë më të madhe.
Japonia këmbëngul se ujit i janё hequr substancat e dëmshme radioaktive dhe planifikon ta lëshojë atë brenda dy viteve.
Sipas vlerësimeve, do të duhet të paktën një vit, që ujërat e zeza të arrijnë në zonat e peshkimit të Koresë së Jugut, por disa thonë se mund të duhen më pak se 200 ditë nga data e shkarkimit, njoftoi agjencia e lajmeve Yonhap.
Çfarё ka ndodhur?
Kur cunami goditi stacionin elektrik Fukushima-Daiichi, tre nga gjashtë reaktorët e tij u shkrinë.
Materiali bërthamor i shkrirë duhet të ftohet vazhdimisht nga oqeani dhe uji i shiut, përndryshe do të nxehet dhe do të shpërthejë. Por, gjatë procesit të ftohjes, uji ndotet me radionuklide të dëmshme dhe bëhet radioaktiv.
E barabartё me rreth 500 pishina olimpike, uji aktualisht ruhet në rezervuarë përreth uzinës. Tokyo Electric Power Company(TEPCO), kompania që drejton stacionin e energjisë, thotë se po mbaron hapësira.
Sipas qeverisё japoneze, mënyra më e mirë për t’u marrë me ujin është lëshimi ngadalë i tij në Oqeanin Paqësor, për një periudhë 30-vjeçare.
TEPCO pranoi në vitin 2018 se sistemi ALPS nuk kishte arritur të pastronte në mënyrë adekuate ujin nga radionuklidet e rrezikshme që shkaktojnë kancer dhe ambientalistët pretendojnë se shkarkimi i planifikuar, mbart rreziqe të mëdha që kërkojnë studim të mëtejshëm.
Japonia ka thënë se, procesi i shkarkimit do të monitorohet nga Agjencia Ndërkombëtare e Energjisë Atomike, IAEA, e cila ka mbështetur planin e Tokios.
Ligji i mjedisit
Para zhvillimit të ligjit ndërkombëtar modern mjedisor, detet konsideroheshin si një kosh plehrash.
Shkarkimi i ujërave të ndotura të Fukushima në Oqeanin Paqësor do të shkelte ligjin ndërkombëtar, sipas ekspertëve.
Konventa e vitit 1972 nё Londёr dhe protokolli pasues i vitit 2006, në të cilin Japonia është nënshkruese, kërkojnë të “parandalojnë ndotjen e mjedisit detar të shkaktuar nga derdhjet në dete”.
Shtetet e Bashkuara kanë dalë në mbështetje të planit të Tokios, për sa kohë që mbikëqyrja sigurohet nga IAE.
Seul ndёrkohё po tregohet i kujdesshëm me Uashingtonin, pasi kërkon ndihmë nga administrata e Biden-it për ndërtimin e paqes me Korenë e Veriut dhe pёr betejën e saj kundër Covid-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryeministri sllovak jashtë rrezikut për jetën, por mbetet në terapi intensive
-
Emigrantët, gjysma e BE-së kërkon të ndjekë modelin e Shqipërisë me Italinë
-
Historia e pabesueshme e ishullit të paarritshëm dhe dy vëllezërit që jetuan atje për dy vjet
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia