Korporata Energjetike e Kosovës (KEK), ka bërë të ditur se nga 29 janari dhe për gati një muaj, njësia A-3 e Termocentralit Kosova A, do të jetë jashtë operimit.
Këtë e konfirmoi për Albanian Post, zëdhënësi i KEK-ut, Skënder Bucolli.
“Në ora 00:00 dt. 29.01.2022 njësia A-3 e TC Kosova A është nxjerre nga operimi dhe sipas planit pritet të ri-kthehet në operim me dt.27.02.2022 ora 00:00”, deklaroi Bucolli.
Ai bën të ditur se KEK-u po vazhdon operimin sipas kapaciteteve që ka.
“KEK-u është duke operuar me kapacitete të plota dhe si zakonisht ndërprerja e operimit ka qenë e paraparë”.
Ndërsa, shtoi se KEK-u vazhdon të operojë sipas planifikimit me dy njësi të Kosovës B dhe dy të Kosovës A.
“Konform bilancit energjetike të aprovuar, KEK do të vazhdojë të operojë me dy njësi të TC-Kosova B (B-1 dhe B2) dhe dy njësi të TC- Kosova A (A-4 dhe A-5) me një kapacitet prej afër 750 MË/h energji elektrike”.
“Po ashtu sipas rregullave të operimit kompania përgjegjëse për furnizimin e konsumatorëve universalë si dhe të gjitha palët e interesit janë njoftuar me kohë”, tha ai.
Ndërsa, shtrenjtimi i tarifave të rrymës dh qasja e Qeverisë së Kosovës në raport me situatën me energjinë elektrike është arsyeja që e ka detyruar Partinë Socialdemokrate të organizojë një protestë këtë të shtunë me fillim në orën 14:00.
Edhe më 26 janar, të frustruar me rritjen e çmimit të rrymës dhe qasjen e kryeministrit të Kosovës, qytetarët kanë protestuar në Prishtinë duke brohoritur “Albin mashtruesi”, “Albin rrenci”.
Etiketat “rrenc” dhe “mashtrues” i janë mveshur Kurtit meqë sa ishte në opozitë thoshte se rryma është shumë shtrenjtë dhe premtonte uljen e çmimit, derisa tash po deklaron se “aq lirë ka qenë rryma sa qytetarët nuk e kanë ditur as sa po u vjen fatura”.
Qeveria e Kosovës, ka ndarë një shumë prej 75 milionë eurosh në formë subvencionimi për qytetarët edhe bizneset.
Këto subvencione vlejnë edhe për bizneset, të cilat edhe pas propozimit të ZRRE-së nëse miratohet nuk do të kenë rritje të tarifave të energjisë elektrike.
Sipas ekzekutivit, rritja e faturave për bizneset do të kishte ndikim negative në ekonomi.
“Ngritja e tarifave nuk i ka prekur bizneset. Në këtë mënyrë do të kufizohet ndikimi në rritjen e çmimeve të produkteve dhe shërbimeve që ofrohen në ekonominë tonë”, ka thënë kryeministri Albin Kurti.
Subvencionet e Qeverisë do të shfrytëzohen për një periudhë njëvjeçare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Cameron në Tiranë: Fokus emigrantët dhe plani për gjyqësorin
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
-
Kryeministri sllovak jashtë rrezikut për jetën, por mbetet në terapi intensive
-
Të hënën arrin në Kosovë kontingjenti i 41-të i ushtarëve kroat në kuadër të KFOR-it
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia