Komisioni i Ankimimeve dhe Sanksioneve ka shfuqizuar gjobat e vendosura ndaj kryetarit të Bashkisë së Tiranës, Erion Veliaj. Vendimi u mor me shumicë votash, në mbledhjen e datës 16 shkurt 2021.
Shfuqizimi u bë për dy sanksione të vendosura. Njëri në masën 35 mijë lekë, për shkeljen e nenit 92 pikat 1,2 dhe 3, të Kodit Zgjedhor. Masa tjetër ndërkohë, ishte në masën 40 mijë lekë, për shkeljen e nenit 3, paragrafi 1.3 shkronja b, të vendimit nr. 9, datë 24.12.2020.
Tre pikat e para të nenit 92, kanë të bëjnë me raportimin e veprimtarisë me karakter publik, që institucionet vendore janë të detyruara të raportojnë në Komisionin Qendror të Zgjedhjeve.
Më 9 shkurt, Veliaj u sanksionua me 75 mijë lekë në tërësi për dy vendimet e lartpërmendura. Denoncimi ndaj kryebashkiakut u bë nga Lëvizja Socialiste për Integrim.
Komisioni Qendror i Zgjedhjeve, ishte ai që miratoi kërkesën e LSI-së për gjobëvënie.
Ky vendim i KAS-it tashmë, jep një qasje mbi funksionimin e strukturave të reja të ndërtuara nga KQZ-ja. KAS-i është i pavarur dhe si strukturë më vete e komisionit. Vendimi i marrë nga ky komision, mund të apelohet sërish në Kolegjin Zgjedhor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit