Zlatan Ibrahimovic është gati të rinovojë kontratën e tij edhe për sezonin e ardhshëm te Milan-i. Siç thotë ai “një ditë pa Milan-in, është si një ditë pa fëmijët e mi”.
Ibra, njëlloj si nofka e tij e dikurshme (Ibra-Kadabra) me referencë të drejtpërdrejtë mrekullive prej magjistari që arrinte të bënte me topin dhe që, ende e ndjek edhe pse më rrallë, duket se ka prezencë talismanike për trajnerin Stefano Pioli që prej janar 2020 kur u transferua përsëri te Milan.
Lojtari kryesor i Kombëtares suedeze, i cili ishte i dëmtuar ndaj humbi ndeshjen e Milan-it me Verona-n, është shprehur se është në hije të mundësisë së rinovimit të kontratës nga klubi kuqeiz, por, sa për vetë Ibra-n, ai e dëshiron shumë diçka të tillë, madje e mirëpret një ofertë të tillë.
I ftuar në emisionin “Che Tempo Che Fa” të televizionit Rai Play, Ibra nuk flet për emocionet që i ngjall Milan-i:
“Nuk e di, por nëse Paolo Maldini do të më dojë në ekip, unë jam gati”, thotë Ibra.
“Doja shumë të isha në lojën kundër Verona-s. Nga brenda ndjej shumë, megjithëse tregoj pak, e ke parasysh? Plus, më ka marrë malli për ekipin”.
“Një ditë pa Milan-in është si një ditë pa fëmijët e mi”.
Megjithëse dëmtimet të kombinuara me kartonët e verdhë dhe të kuq, e kanë penguar të ketë vazhdimësi në fushën e blertë, Ibra ka shënuar 16 gola në 21 ndeshje.
Për më tepër, 39-vjeçari suedez ka ndihmuar Milan-in me dy asiste të kapë vendin e dytë të renditjes në Serie A dhe vendin e 16 të Ligës Evropiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit