Tenisti numër një i botës, Novak Djokoviç, iu anulua viza për të hyrë në Australi, me të mbërritur në Melburn.
Kujtojmë që sportisti serb është person i deklaruar anti-vaksinë dhe kishte përfituar një leje të posaçme për turneun “Australian Open”.
Djokoviç u mbajt në aeroport për disa orë përpara se zyrtarët australianë të njoftonin se ai nuk kishte përmbushur rregullat e hyrjes.
Gjykata ka rënë dakord të shtyjë dëbimin e tij deri të hënën 10 e janarit.
Organizatorët e turneut thanë se përjashtimi mjekësor i Djokoviç-it ishte dhënë nga dy panele të pavarura mjekësore.
Vendimi zemëroi shumë australianë ku mbi 90% e atyre mbi 16 vjeç janë plotësisht të vaksinuar.
Ata po përballen gjithashtu me disa nga kufizimet më të rrepta në botë.
Përplasje diplomatike
Të mërkurën e 5 janarit, zyrtarët e kufirit thanë se Djokoviç “dështoi të sigurojë provat e duhura” për hyrjen pas mbërritjes nga Dubai.
Tenisti serb po qëndron në një hotel në periferi të Melburn-it.
Ky i fundit përdoret për paraburgimin e imigracionit.
Kryeministri i Australisë, Scott Morrison, mohoi se Djokoviç po veçohej dhe tha se askush nuk ishte mbi rregullat e vendit.
Por ai shtoi se qëndrimi i Djokoviç për vaksinimin kishte tërhequr vëmendjen.
Morrison tha se kontraktimi i COVID-19 në gjashtë muajt e fundit nuk ishte ndër kriteret federale.
Saga bëri që presidenti serb Aleksandër Vuçiç të thoshte se Djokoviç ishte viktimë e “ngacmimit” dhe se “e gjithë Serbia” e mbështet atë.
Morrison mohoi se anulimi i vizës ishte për shkak të “ndonjë pozicioni të veçantë në lidhje me Serbinë”.
Kreu i qeverisë australiane e përshkroi shtetin ballkanas si “një mik të mirë të Australisë”.
Babai i lojtarit, Srdjan Djokoviç, u shpreh se “kjo nuk është vetëm një luftë për Novak-un, por një luftë për të gjithë botën”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit