Kryetari i Aleancës për Ardhmërinë e Kosovës (AAK), Ramush Haradinaj të dielën e 17 prillit ka kujtuar masakrën e Poklekut në 23 vjetorin e saj.
Përmes një shkrimi në rrjetin social ‘Facebook’, kryetari i AAK-së Ramush Haradinaj, ka thënë se heshtja e drejtësisë nuk i zbeh kujtimet për familjet.
“Njëzetetre vjet më parë, në Paklek të Vjetër, do të sulmohen 3 familje të pambrojtura, e do të ekzekutohen mizorisht që të gjithë. Heshtja e drejtësisë nuk zbeh kujtimet për ata që fëmijëria e tyre u shua nga barbarët në tentim të zhbërjes së eksiztencës sonë”, shkruan Haradinaj .
Ai ka shtuar se në mësin e atyre që pësuan kishte edhe fëmijë.
“Do t’i kujtojmë me dhembje në zemër, tre fëmijët e Mehdi Muqollit prej dhjetëmuajsh deri në katër vjeç, vajzat e Qamil Muqollit, Liria gjashtëmuajshe dhe Florentina tri vjeçe, fëmijët e Fadil Muqollit, Egzoni katër vjeç, Ylberi dhjetë, Naseri dymbëdhjetë dhe Shehidja trembëdhjetë vjeçe”.
“Fatos (Xhavit) Muqolli një vjeç dhe motra e tij Eronita katër vjeçe, pesë fëmijët e Ilmi Muqollit, Albulena (5), Agroni (10), Rexhepi (12), Fatmirja (17) dhe Vezirja (20), katër vajzat e Sinan Muqollit: Hafija, Sherifja, Elifja dhe Eminja nga dhjetë deri në njëzetedy vjeç, fëmijët e Liman Muqollit, Mërgimi, Mirsadi dhe Menduhija nga pesë deri njëmbëdhjetë vjeç, djemtë e Ejup Carakut, Hasani dymbëdhjetë e Besarti trembëdhjetë vjeç”.
“Avdullahu dymbëdhjetë vjeç dhe katër djemtë e Ymer Elshanit”, ka kujtuar Haradinaj.
Ndër të tjera, ai konsideron se akoma nuk e ka të qarë se pse drejtësia është duke heshtur në raste të tilla.
“Ende nuk e kuptojmë këtë urrejtje, këtë barbari, që vret nënat me fëmijë, e më pas djeg kufomat. Përse drejtësia heshti para këtij krimi makabër?”
“Ushtria Çlirimtare e Kosovës, e cila dëboi këtë armik të egër e barbar, është frymëzim për FSK, që e transformuar në ushtri, do të mbrojë territorin dhe popullin tonë, dhe nuk do të lejojë që të ripërjetojmë dhembjet e kohës së okupimit”.
Në fund, kreu i AAK-së ka kërkuar që në raste si ky të vendoset drejtësi.
“Duke kërkuar drejtësi për të rënët, qoftë i përjetshëm kujtimi për ta”.
Më 17 prill, edhe kryeministri i Kosovës, Albin Kurti, ka thënë se në Poklek të vjetër dhe Çikatovë të Drenasit janë ende të njoma plagët nga gjenocidi i Serbisë.
“23 vjet më parë forcat policore, ushtarake e paraushtarake serbe, vranë dhe masakruan 77 shqiptarë civilë të paarmatosur. Midis tyre pesë foshnja, nga gjashtë muaj e deri në dy vjeç. Për shtetin serb që po zbatonte planin e gjenocidit ndaj shqiptarëve nuk kishte rëndësi mosha”, ka shkruar Kurti në Facebook.
Kurti ka theksuar se pasi i vranë trupat e viktimave të masakrës së Poklekut, “i dogjën bashkë me shtëpitë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hovenier viziton në Leposaviq ushtarët amerikanë të KFOR-it
-
Varshava do të shpenzojë 2.3 miliardë për të forcuar kufirin e saj me Ukrainën
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE