GM, 71 milionë dollarë për kampusin e ri kalifornian të teknologjisë

Prodhuesi amerikan i automjeteve, General Motors Co, ka njoftuar se do të investojë 71 milionë dollarë për të krijuar një kampus të ri në Pasadena të Kalifornisë për të zgjeruar kapacitetin e saj në teknologji të përparuara të tilla si makinat fluturuese dhe automjetet hapësinore.

Agjencia e lajmeve, Reuters, zbulon se kampusi do të përdoret për operacionet e përparuara të qendrës së dizajnit brenda kompanisë, të cilat përqendrohen në zhvillimin e projekteve konceptuale dhe të lëvizjes në të ardhmen që shkojnë përtej qëllimit të programeve ekzistuese të automjeteve të prodhimit.

Vetë kompania automobilistike ka thënë se kampusi do të përfshijë një laborator inovacioni dhe aftësi teknologjike gjithëpërfshirëse, duke përfshirë realitetin e shtuar dhe atë virtual.

Dhe se kjo iniciativë e re është më afër qendrave të teknologjisë në Bregun Perëndimor dhe krijon një mundësi rekrutimi përmes afërsisë së saj me universitetet kryesore dhe shkollat ​​e projektimit.

Në muajin janar, General Motors prezantoi një Cadillac futurist fluturues, një automjet i vetë-drejtuar i cili ngrihet dhe ulet vertikalisht dhe mbart pasagjerin mbi rrugë dhe përmes ajrit.

Kurse lidhur me zhvillimet e tjera të reja të kohëve të fundit, ato përfshijnë biznesin e vet komercial të furgonëve, BrightDrop, dhe konceptin e automjetit hapësinor të zhvilluar me Lockheed Martin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.